Stanovišča na biełaruska-polskaj miažy krytyčnaje
Pavodle źviestak Dziaržaŭnaha pamiežnaha kamitetu Biełarusi, čerhi aŭtapieravozčykaŭ z polskaha boku dasiahajuć 20 km.
U apošnija hadziny ŭ suviazi z zabastoŭkaj polskich mytnikaŭ abvastryłasia situacyja na punktach propusku praź biełaruska-polskuju miažu "Varšaŭski most", "Kazłovčy" i "Damačava".
Z polskaha boku, pavodle źviestak Dziaržaŭnaha pamiežnaha kamiteta Biełarusi, čerhi aŭtapieravozčykaŭ dasiahajuć 20 km. Z pryčyny aściarohi adnosna mahčymaści prajaŭleńnia sprob kantrabandy pry takoj kolkaści transpartnych srodkaŭ i ŭźniknieńnia incydentaŭ padraździaleńni DPK mohuć pierajści na ŭzmocnieny varyjant niasieńnia słužby. Hetaje pytańnie abmiarkoŭvajecca kiraŭnictvam kamiteta, paviedamiŭ BiełaPAN načalnik pres-centra pamiežnaha viedamstva Alaksandr Ciščanka.
Pavodle jaho słoŭ, na biełaruskaj terytoryi ŭ terminałach punkta propusku "Kazłovičy" znachodzicca kala 300 transpartnych srodkaŭ, što pieravyšaje zvyčajnyja pakazčyki ŭ paŭtara razy.
Situacyja na biełaruskim boku stabilnaja, skazaŭ A.Ciščanka.
Kamientary