U Minsku 27 sakavika ŭ čaćviorty raz uručana štohadovaja premija imia biełaruskaha palitołaha, vykładčyka Jeŭrapiejskaha humanitarnaha ŭniviersiteta Śviatłany Navumavaj.
Navumava, jakaja była adnoj z aktyvistak kampanii «Havary praŭdu», pamierła 10 sakavika 2011 hoda na 56-m hodzie žyćcia ad chvaroby nyrak. Premija, na dumku jaje zasnavalnikaŭ, zaklikanaja stymulavać dziejnaść palityčnych žurnalistaŭ i analitykaŭ, a taksama źviarnuć uvahu na najbolš pierśpiektyŭnych maładych palitykaŭ i hramadskich dziejačaŭ u Biełarusi.
Premija ŭručajecca z 2012 hoda ŭ troch naminacyjach: «Žurnalistyka» («Za hramadzianskuju i maralnuju pazicyju»), «Analityka» («Za hłybiniu dumki i navukovuju adkaznaść») i «Palityčnaja dziejnaść» («Nadzieja», uručajecca palitykam da 35 hadoŭ). U 2014 hodzie dadadziena naminacyja «Sacyjalnaja inavacyja — zaduma hoda».
Pieramožcam u naminacyi «Zaduma hoda» staŭ prajekt KaliLaska — pieršy ŭ Biełarusi dabračynny mahazin
Łaŭreatam u naminacyi «Nadzieja» staŭ Aleh Korban, lidar hramadskaha abjadnańnia «Alternatyva» (Łatvija), śfiera dziejnaści jakoha — pravavaja dapamoha studentam, adukacyjnyja prajekty, vuličnyja akcyi.
U naminacyi «Analityka» pieramoh ahladalnik «Radyjo Svaboda» Juryj Drakachrust za šerah artykułaŭ i analityčnuju pieradaču na radyjo i błohi na sajcie tut.by.
Łaŭreatam u naminacyi «Žurnalistyka» staŭ karespandent haziety «Novy čas» Dźmitryj Hałko za sieryju materyjałaŭ pra Danbas.
Kamientary