Saudaŭskaja Aravija abvinavaciła prezidenta Rasii Uładzimira Pucina ŭ kryvadušnaści ŭ suviazi z rolaj Maskvy ŭ hramadzianskaj vajnie ŭ Siryi.
Saudaŭski ministr zamiežnych spravaŭ prync Saud al-Fejsał, jaki vystupiŭ na samicie Lihi arabskich dziaržaŭ u jehipieckim horadzie Šarm aš-Šejchu, zrabiŭ zajavu paśla taho, jak na forumie byŭ začytany list Pucina. Pavodle paviedamleńnia Reuters, saudaŭski ministr zajaviŭ, što Pucinu nie varta vykazvać «padtrymku krainam Blizkaha Uschodu», adnačasova padtrymlivajučy režym siryjskaha prezidenta Bašara Asada i takim čynam spryjajučy niestabilnaści ŭ rehijonie. «Jon kaža ab prablemach u blizkaŭschodnim rehijonie tak, jak byccam Rasija nie spryjaje abvastreńniu hetych prablem», — zajaviŭ prync Saud al-Fejsał.
U liście Pucina, nakiravanym da ŭdzielnikaŭ forumu, u pryvatnaści, vykazvajecca padtrymka Maskvoj pamknieńniaŭ narodaŭ arabskich krain da roskvitu i vyrašeńnia ŭsich prablem, jakija stajać pierad arabskimi krainami, tolki mirnymi srodkami, biez vonkavaha ŭmiašalnictva.
Na dniach u «Rośsijskoj haziecie» byli apublikavanyja vykazvańni Asada pra toje, što Siryja vitała b rasijskuju vajennuju prysutnaść u partach, uklučajučy Tartus, dzie znachodzicca baza materyjalna-techničnaha zabieśpiačeńnia Vajenna-marskoha fłotu Rasii.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva33
Kamientary