Da prychodu biełaruskamoŭnaj Śvinki Pepy zastałosia 7 młn rubloŭ
Prajekt pa ahučcy multfilma nabraŭ kala 80% nieabchodnaj sumy.
Za čatyry dni prajekt biełaruskaj ahučki multfilma «Śvinka Pepa» sabraŭ na Talaka.by amal 30 młn rubloŭ.
Kali za bližejšyja 43 dni nabiarecca jašče 7 młn, budzie ahučany pieršy siezon multsieryjała, što ŭtrymlivaje 52 sieryi. Kali ža źbiarecca bolš, hrošy pojduć na ahučku nastupnych siezonaŭ.
Ahułam multsieryjał maje bolš za 200 sieryj.
Achviaravalniki atrymlivajuć ad pierakładčykaŭ padarunki. Chto pieraličyć 100 tysiač, atrymaje mahnicik, 200 — razmaloŭku, 300 — DVD z multfilmam dy papiarednija padarunki i h.d.Tyja, chto achviaruje bolš za 7,5 młn, buduć zaprošanyja da ahučki adnoha ź filmaŭ.
U ahučcy biaruć udzieł aktrysa i śpiavačka Hanna Chitryk i akcior Uładzimir Hłotaŭ. Razam jany ahučyli ŭžo dźvie sieryi.
Pa zaviaršeńni pierakładu sieryi buduć vykładvacca ŭ volny dostup na Youtube.
Prajekt ahučki «Śvinki Pepy» padtrymali biełaruskija siemji. U svaim zvarocie na Youtube jany zaklikajuć dapamahčy Pepie zahavaryć pa-biełarusku.
Jak raspaviadaje «Kinakonh», arhanizatar prajektu pierakładu, žychar Maskvy ŭžo zaklikaŭ asudzić pierakładčykaŭ za dźvie vykładzienyja sieryi — maŭlaŭ, skrali ŭ pravaŭładalnikaŭ.
Na samoj spravie, pravaŭładalniki sieryjału, kanał Channel Flip Kids eOne, uchvalaje raspaŭsiud sieryjału na Youtube pry ŭmovie, što hrošy ad prahladaŭ pieraličvajucca im. «Kinakonh» takija ŭmovy zadavalniajuć.
***
«Śvinka Pepa» — brytanski dziciačy multsieryjał, što tranślavaŭsia z 2004 pa 2012 hod. Byŭ pakazany ŭ bolš čym 180 krainach śvietu. Tolki na prodažy cacak pa matyvach multfilma -stvaralniki zarabili 200 młn funtaŭ.
Kamientary