Źmicier Žaleźničenka raskazaŭ karespandentcy presavaj słužby moladz.pbnf.org pra apošnija naviny svajho pobytu ŭ vojsku.
Z. Žaleźničenka |
Źmicier Žaleźničenka raskazaŭ karespandentcy presavaj słužby moladz.pbnf.org pra apošnija naviny svajho pobytu ŭ vojsku.
«Niejkaja dziŭnaja sančastka, usio robiš sam: za ježaj sam chodziš, prybiraješ sam, i navat načnyja dziažurstvy jość. Dobra, što pastrajeńniaŭ niama. Adčuvaješ siabie adnčasova i chvorym i nie chvorym», — kaža Źmicier.
Na pytańnie pra ŭzajemadačynieńni z sałdatami, Źmicier raspavioŭ, što dniami prychodziŭ dembiel, jakomu zastałosia słužyć zusim nia šmat, i prasiŭ zrabić fatazdymak sa Źmitrom na pamiać.
Što tyčycca aficerskaha składu Žłobinskaj vajskovaj častki Źmicier Žaleźničenka paviedamiŭ nastupnaje:
«Niekatoryja aficery razmaŭlajuć sa mnoj pa‑biełarusku, zahadaŭ pakul nie było, bo ja znachodžusia ŭ sančastcy. Usie papiery ad kiraŭnika častki vyklučna na biełaruskaj movie, jany pierakładajuć. Vidavočna, što aficery na miescy bajacca ŭ adroźnieńni ad Minstra abarony, tamu i sprabujuć dahadzić i vašym i našym, viaduć siabie vietliva sa mnoju.»
Źmicier, na jaki dzień zaplanavanaja prysiaha?
«Prysiaha maje adbycca ŭ nastupnuju niadzielu, ale ja budu prasić adterminoŭku, bo jašče nie prajšoŭ usie instancyi pa adnaŭleńni va ŭniviersitecie», — paviedamiŭ Źmicier.
Źmicier vykazaŭ padziaku za padtrymku, za ŭvahu, za vyłučeńnie jaho na mižnarodnuju Studenckuju premiju.
«Budu pisać načalniku častki, kab adpuściŭ u Narvehiju za ŭznaharodaj, kali mianie vybiaruć», — žartuje Źmicier.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary