Zaŭtra na pasadzie hałoŭnaha treniera futbolnaha minskaha «Dynama» Dušana Uhryna źmienić Vuk Rašavič. Jak stała viadoma Football.by, u minskim «Dynama» pryniata rašeńnie pra spynieńnie supracoŭnictva z D.Uhrynam.
Češski śpiecyjalist budzie zaŭtra aficyjna adpraŭleny adstaŭku. Taksama ź vialikaj dolaj vierahodnaści možna śćviardžać, što jaho abaviazki budzie vykonvać Vuk Rašavič, jaki ciapier zajmaje ŭ minskim kłubie pasadu spartyŭnaha dyrektara.
U pres-słužbie «Dynama» infarmacyju karespandentu «Našaj Nivy» nie abvierhli, ale i nie paćvierdzili.
«My nie kamientujem našyja namiery. Infarmacyja dajecca tolki pa fakcie. Kali niešta adbudziecca, infarmacyja adrazu źjavicca na sajcie kłuba. Tamu, kali chočacie dakładna daviedacca — čytajcie naš sajt», — paraiŭ pres-sakratar «Dynama» Vasil Kniaziuk.
Paśla troch turaŭ «Dynama» zajmaje 11-y radok u turnirnaj tablicy, nie atrymaŭšy nivodnaj pieramohi, a ŭčora kłub vylecieŭ z Kubka Biełarusi, prajhraŭšy na svaim poli BATE ź likam 1:3.
Dušan Uhryn byŭ pryznačany hałoŭnym trenieram «Dynama» ŭ śniežni 2014 h. Jon staŭ 29-m trenieram kłuba z 1999 hoda, kali haspadarom «Dynama» staŭ biznesmien Juryj Čyž.
U siezonie-2014 dynamaŭcami kiravaŭ Uładzimir Žuraviel, jaki vyvieŭ kamandu ŭ hrupavy raŭnd Lihi Jeŭropy i pryvioŭ jaje da siarebranych miedaloŭ čempijanatu krainy.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie45
Kamientary