Staršynia Centralnaj vybarčaj kamisii (CVK) Lidzija Jarmošyna zaklikała moładź vykazać svaju aktyŭnuju hramadzianskuju pazicyju vosieńniu 2015 hoda i ŭziać udzieł u prezidenckich vybarach.
fota Siarhieja Hudzilina
Pra heta jana zajaviła 30 krasavika ŭ Minsku na sustrečy z pradstaŭnikami Biełaruskaha respublikanskaha sajuza moładzi z usich abłaściej krainy, jakaja prajšła ŭ miežach adkrytaha dyjałohu «Moładź Biełarusi. Tradycyi i budučynia».
«Dabrabyt hramadzian zaležyć ad taho, nakolki ščaśliva budzie žyć kraina, — skazała kiraŭnik CVK. — A žyć jana budzie tolki tady, kali tut buduć vykonvacca asnoŭnyja palityčnyja i hramadzianskija pravy i svabody, i pierš za ŭsio prava na biaśpiečnaje, spakojnaje isnavańnie i raźvićcio. A heta moža vam arhanizavać tolki stabilnaja aŭtarytetnaja ŭłada. Tamu, bieručy ŭdzieł u vybarach, vy ŭmacoŭvajecie biaśpieku krainy i realizujecie nie tolki svajo prava, vy dapamahajecie realizacyi svaich hramadzianskich pravoŭ u budučyni. Tamu kali pačniecca vybarčaja kampanija, kali łaska, uspomnicie pra toje, što vy nie tolki padatkapłacielščyki, ale i hramadzianie suvierennaj dziaržavy».
Kab u Biełarusi vybary adbylisia, nahadała jana, u ich pavinny ŭziać udzieł bolš jak 50% vybarščykaŭ.
Niaŭdzieł hramadzian u vybarach pryvodzić da taho, što jany pryznajucca nieprajšoŭšymi, za hetym idzie jašče adna kampanija, na jakuju raschodujucca srodki, — zaznačyła Jarmošyna.
— Na pieršy tur prezidenckich vybaraŭ ź biudžetu zapłanavana vydzielić 18 młrd. rubloŭ, u dołaravym vyražeńni na siońnia heta kala 12 młn. Tamu kali hetyja hrošy buduć patračanyja darma, dziaržava znoŭ zalezie ŭ kišeniu padatkapłacielščykaŭ, z taho, što zvyčajna idzie na sacyjalnyja, kulturnyja i adukacyjnyja prahramy. Tamu budźcie adkaznymi. Viedajučy, jakija hrošy patračanyja, choć by sekanomcie ich, navat kali vy prahałasujecie suprać usich».
Kiraŭnik CVK paskardziłasia, što nie ŭsie hatovyja brać udzieł u vybarach. «Niechta z pačućcia ŭłasnaha pratestu, niechta sa zvyčajnaj abyjakavaści abo lanoty. Vystupajučy ź vielikodnaj propaviedździu, Papa Rymski nazvaŭ abyjakavaść i lanotu dvuma hałoŭnymi hrachami sučasnaści», — skazała Jarmošyna.
Jana nahadała, što mierkavanaja data piatych prezidenckich vybaraŭ Respubliki Biełaruś — 15 listapada 2015 hoda.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary