Palinu Šubu nazvali najlepšaj televiadučaj, a Hihina ŭhanaravali za tok-šou
Učora byli padviedzienyja vyniki štohadovaha konkursa «Televiaršynia».
Jaho ładziać Ministerstva infarmacyi supolna z Nacyjanalnaj dziaržaŭnaj teleradyjokampanijaj Respubliki Biełaruś, ZAT «Druhi nacyjanalny telekanał», ZAT «Staličnaje telebačańnie». A dla ŭdziełu ŭ konkursie prymajucca teleprahramy luboj praciahłaści vytvorčaści respublikanskich i rehijanalnych telekanałaŭ.
Učora byli padźviedzienyja vyniki konkursa, nazvanyja pieramožcy. Hran-pry «Televiaršyni» atrymaŭ kalektaŭ Biełteleradyjokampanii za aśviatleńnie Čempijanatu śvietu pa chakiei ŭ Minsku. Uznaharodžvaŭ pieramožcaŭ pamočnik prezidenta pa pytańniach sportu Maksim Ryžankoŭ.
Źviartajuć na siabie inšyja naminacyi. Tak najlepšaj viadučaj infarmacyjnych pieradač stała Palina Šuba. Viadomaść Paliny Šuby pačałosia paśla taho, jak dziaŭčyna źjaviłasia ŭ kampanii Alaksandra Łukašenki na matčy adkryćcia čempijanatu śvietu pa chakiei.
Paśla rasijskaja žurnalistka Ksienija Sabčak pacikaviłasia ŭ Łukašenki pra Palinu Šubu. Paśla ŭ internecie ŭspłyŭ fotazdymak, dzie Łukašenka haścić u cieščy Aleny Žaŭniarovič. U niefarmalnaj abstanoŭcy jaho supravadžajuć starejšy syn Viktar, miljanier Šakucin, tenisny trenier Ciacieryn, śpiavačka Alona Łanskaja, a taksama televiadučaja Palina Šuba.
Hod tamu «Naša Niva» padrabiazna pisała ab historyi pośpiechu Paliny Šuby. Ciapier dziaŭčyna viadzie viečarovuju «Panaramu» na «Biełaruś-1».
Najlepšaj pieradačaj hramadska-palityčnaj tematyki nazvany tok-šou «Sprava pryncypa», jakuju viadzie hałoŭny redaktar časopisa «Biełaruskaja dumka» Vadzim Hihin. Prahrama manipulatyŭnaja, ale varta adznačyć, što Hihin pieršym na biełaruskim telebačańni staŭ klikać tudy pradstaŭnikoŭ niezaležnaha hramadstva.
Najlepšaj prahramaj dla dziaciej nazvanaja biełaruskamoŭnaja «Dabraranak», što vychodzić na telekanale «Biełaruś-3».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary