U Biełarusi ŭvodzicca adkaznaść za špijanaž na karyść mižnarodnaj arhanizacyi
Pałata pradstaŭnikoŭ pryniała siońnia ŭ pieršym čytańni papraŭki ŭ Kryminalny i Kryminalna-pracesualny kodeksy Biełarusi.
U pryvatnaści, zakonaprajekt karekciruje artykuły 356 «Zdrada dziaržavie» KK Biełarusi. Prapanujecca ličyć zdradaj dziaržavie vydaču dziaržsakretaŭ Respubliki Biełaruś nie tolki dziaržavie, zamiežnaj arhanizacyi abo ich pradstaŭniku, ale taksama mižnarodnaj arhanizacyi abo jaje pradstaŭnikam. Z artykuła taksama vyklučany termin «ahienturnaja dziejnaść».
Akramia taho, z artykuła vyklučajecca častka 2, u jakoj havorycca: «Dziejańni, praduhledžanyja častkaj 1 hetaha artykuła, źviazanyja z zabojstvam, - karajucca pazbaŭleńniem voli na termin ad dziesiaci da dvaccaci piaci hadoŭ, ci pažyćciovym źniavoleńniem, abo śmiarotnaj karaj z kanfiskacyjaj majomaści abo biez kanfiskacyi».
Z KK taksama prapanujecca vyklučyć artykuł 356-1 «Ustanaŭleńnie supracoŭnictva sa śpiecyjalnaj słužbaj, orhanam biaśpieki abo raźviedvalnym orhanam zamiežnaj dziaržavy», a artykuły 358 «Špijanaž» i 358-1 «Ahienturnaja dziejnaść» vykładajucca ŭ novaj redakcyi. U tym liku ŭ artykuł 358 uvodzicca termin «mižnarodnaja arhanizacyja».
Jak rastłumačyŭ, pradstaŭlajučy dakumient deputatam, staršynia Kamiteta dziaržaŭnaj biaśpieki Valeryj Vakulčyk, šerah źmianieńniaŭ u artykuły KK padrychtavany na asnovie analizu dziejnaści orhanaŭ dziaržaŭnaj biaśpieki pa rasśledavańni złačynstvaŭ suprać dziaržavy. Tak, u adnym z artykułaŭ u šerahu vypadkaŭ uźnikaje dubliravańnie takoha składu złačynstvaŭ, jak ahienturnaja dziejnaść i inšaje akazańnie dapamohi, praviadzieńnie dziejnaści na škodu nacyjanalnaj biaśpiecy krainy. «Tamu bačycca, što akazańnie takoj dapamohi poŭnaściu ŭklučaje ŭ siabie abjom paniaćcia «ahienturnaja dziejnaść», u suviazi z čym hetu formu zdrady dziaržavie prapanujecca vyklučyć. Taksama prapanujecca vyklučyć častku druhuju artykuła 356: zabojstva, źviazanaje sa zdradaj dziaržavie, na našu dumku, patrabuje dadatkovaj kvalifikacyi zhodna z artykułam 139 «Zabojstva», - skazaŭ jon.
Kamientary