Jeŭrapiejski centrabank nie admaŭlajecca ad ekstranaj dapamohi hrečaskim bankam
Jeŭrapiejski centralny bank vyrašyŭ nie spyniać prahramu ekstranaj dapamohi hrečaskim bankam.
Paśla pasiedžańnia Rady kiraŭnikoŭ JECB vypuściŭ zajavu pra toje, što jon praciahnie supracoŭničać z Bankam Hrecyi dla padtrymańnia finansavaj stabilnaści.
Raniej Jeŭrapiejski centrabank razhladaŭ varyjant admovy ad vydačy ekstranych pazyk hrečaskim bankam, što aznačała b ich bankructva.
Adnak JECB vyrašyŭ zachavać abjom kredytavańnia hrečaskich bankaŭ na ŭzhodnienym ŭ piatnicu uzroŭni, choć i padkreśliŭ, što ŭ budučyni moža pierahledzieć hetaje rašeńnie.
Ministr finansaŭ Hrecyi Janis Varufakis u intervju Bi-bi-si zajaviŭ, što kali Jeŭrapiejski centrabank spynić padtrymku bankaŭskaj sistemy Hrecyi, heta budzie aznačać, što Jeŭropa paciarpieła parazu.
U noč na 28 červienia hrečaski parłamient padčas terminovaha plenarnaha pasiedžańnia bolšaściu hałasoŭ ratyfikavaŭ prapanovu ab praviadzieńni 5 lipienia refierendumu pa pytańni pryniaćcia abo adchileńni prapanovy kredytoraŭ.
U suviazi z abviaščeńniem refierendumu ŭ apošnija dva dni rezka vyras adtok srodkaŭ z rachunkaŭ, u mnohich bankamatach skončylisia hrošy.
Za apošnija tydni hreki źniali sa svaich rachunkaŭ u bankach miljardy jeŭra. A 30 červienia Afiny pavinny vypłacić MVF kala 1,6 młrd jeŭra ci abviaścić defołt.
-
U Litvie pierachapili partyju kantrabandnych cyharet, jakija skinuli ŭ śnieh ź ciahnika
-
Navalnaha atrucili ŭ kałonii rečyvam epibatydzin — jad ekvadorskaj žaby. Heta zmahli vyjavić, dziakujučy bijamateryjałam, vyviezienym siamjoju
-
Zielenski: Va Ukrainie paśla rasijskich udaraŭ nie zastałosia nivodnaj całkam acalełaj elektrastancyi
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?9
Kamientary