Alaksandr Łukašenka płanuje pryniać udzieł u samitach Šanchajskaj arhanizacyi supracoŭnictva (ŠAS) i krain BRIKS, jakija projduć 7—8 lipienia va Ufie (Rasija).
«Prezident Biełarusi razam z delehacyjaj budzie na mierapryjemstvach va Ufie, — paviedamiła BiełaPAN pres-sakratar kiraŭnika dziaržavy Natalla Ejsmant. — Pakul pa prahramie ŭsio jašče ŭdakładniajecca. Čas znachodžańnia i prylotu zaležyć ad taho, jakoj budzie prahrama. Mierapryjemstvy vialikija, budzie šmat delehacyj, tamu i pa prahramie jość samyja roznyja varyjanty. Heta ŭsio jašče ciapier u pracesie prapracoŭki».
Biełaruś na samicie spadziajecca atrymać status naziralnika ŭ ŠAS — pra heta paviedamiŭ kiraŭnik biełaruskaha MZS Uładzimir Makiej 8 červienia ŭ Maskvie na pres-kanfierencyi pa vynikach sustrečy sa svaim rasijskim kaleham Siarhiejem Łaŭrovym.
ŠAS — rehijanalnaja mižnarodnaja arhanizacyja, zasnavanaja ŭ 2001 hodzie Kitajem, Rasijaj, Kazachstanam, Tadžykistanam, Kyrhyzstanam i Uźbiekistanam. Za vyklučeńniem Uźbiekistana ŭsie hetyja krainy źjaŭlalisia ŭdzielnicami «Šanchajskaj piaciorki», zasnavanaj u vyniku padpisańnia ŭ 1996-1997 hadach pahadnieńniaŭ ab umacavańni davieru ŭ vajskovaj vobłaści i ab uzajemnym skaračeńni ŭzbrojenych sił u rajonie miažy.
BRIKS — hrupa ź piaci bujnych krain: Brazilija, Rasija, Indyja, Kitaj, Paŭdniova-Afrykanskaja Respublika.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary