Dh — zapomnicie hetyja litary.
Z 1 lipienia kupiura ŭ 50 biełaruskich rubloŭ vyjšła z abarotu. Zdać jaje ŭ luby bank možna da kanca hoda, da 30 červienia 2016 hoda jaje jašče budzie prymać Nacbank. Ale nie ŭsie kupiury varta zdavać, zaŭvažajuć biełaruskija kalekcyjaniery na sajcie belbonistika.com.
Kalekcyjaniery pakul nie znachodzili 50-rublovych kupiur sieryi Dh 2000 hoda. Ale kali takija kupiury isnujuć, za ich addaduć bolš za dźvie tysiačy dalaraŭ. U 600 tysiač raz daražej za naminał!
Miesiac tamu kupiura ŭ 5 tysiač rubloŭ sieryi AH była pradadzienaja za 2 ź lišnim tysiačy dalaraŭ. 50-rubloŭka sieryi Dh maje kaštavać jašče bolš, śćviardžajuć kalekcyjaniery. Pryčym kupiura moža być u lubym stanie, navat u davoli pahanym.
Za niekatoryja inšyja 50-rublovyja kupiury taksama možna atrymać dobryja hrošy. Naprykład, 3-6 dalaraŭ daduć za kupiury sieryj Łk, Łł, Łm, Kh, Hm i Chm u idealnym stanie, a za Ło ŭ idealnym stanie — cełych 12 dalaraŭ (u paškodžanym — 2 dalary).
Pahladzieć poŭnuju tablicu cen na 50-rublovyja kupiury možna tut. Na tym ža sajcie možna adšukać i inšyja redkija sieryi biełaruskich kupiur, jakija kupiać za vialikija hrošy.
Darečy, na 50-rubloŭkach 2000 hoda jość nadpis, što nie adpaviadaje siońniašnim praviłam biełaruskaj movy: z 2008 hoda pišam «piaćdzJasiat» (tak, jak napisana na 50-rubloŭkach 2010 hoda), a nie «piaćdzJesiat» (jak na starych kupiurach).
Čytajcie taksama: Za 175 kvadryljonaŭ zimbabvijskich dalaraŭ daduć 5 amierykanskich
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary