Lidar stvarajemaha ruchu «Za dziaržaŭnaść i niezaležnaść Biełarusi», paet Uładzimir Niaklajeŭ miarkuje, što adzinaja pravilnaja stratehija na prezidenckich vybarach dla kandydataŭ ad apazicyi — admovicca ad udziełu ŭ kampanii i padtrymać vyłučeńnie palitviaźnia Mikałaja Statkieviča. Pra heta palityk zajaviŭ 15 lipienia na kruhłym stale «Bajkot vs udzieł u kampanii», arhanizavanym Abjadnanaj hramadzianskaj partyjaj.
«Udzieł apazicyi ŭ vybarach u tym farmacie, jaki prapanavany ŭładaj, škodny dla budučyni krainy, heta viadzie da kansiervacyi režymu», — miarkuje Niaklajeŭ. Na jaho dumku, heta adbudziecca niezaležna ad taho, što kandydaty paśpiejuć danieści da vybarščykaŭ. «Treba było brać udzieł u vybarach, ale z tym, čaho my nie dabilisia — z adzinym kandydatam i adzinaj prahramaj», — zaznačyŭ palityk.
Pavodle słoŭ Niaklajeva, nichto z pradstaŭnikoŭ palityčnych partyj nie pasprabavaŭ praanalizavać, jak udzieł abo niaŭdzieł apazicyi ŭ vybarach 2015 hoda paŭpłyvaje na ŭmacavańnie abo asłableńnie biełaruskaj dziaržaŭnaści. «Najbolšaja niebiaśpieka dla krainy siońnia — strata niezaležnaści. Niama analizu pa asnoŭnaj prablemie, jakaja paśla padziej va Ukrainie prosta stała vidavočnaj», — zajaviŭ Niaklajeŭ.
Palityk taksama zaznačyŭ, što ŭ niazdolnaści apazicyi damovicca ab vyłučeńni adzinaha kandydata «piersanalnyja adnosiny spracavali macniej, čym usio astatniaje».
29 červienia Niaklajeŭ upieršyniu vystupiŭ z zaklikam da patencyjalnych kandydataŭ u prezidenty źniacca z vybaraŭ da pačatku rehistracyi inicyjatyŭnych hrup i padtrymać vyłučeńnie adzinym kandydatam ad apazicyi palitviaźnia Mikałaja Statkieviča. Adnak heta prapanova eks-kandydata na prezidenckich vybarach 2010 hoda dahetul nie znajšła padtrymki.
Kamientary