Piačerski sud Kijeva aryštavaŭ italjanskuju majomaść Alaksieja Azarava, syna byłoha premjer-ministra Ukrainy, jaki ŭ ciapierašni čas znachodzicca ŭ Rasii.
Pavodle paviedamleńnia Hienprakuratury Ukrainy, havorka idzie pra damy ŭ horadzie Olbija (Sardzinija) i rachunki ŭ banku Santander, jakija naležać Alaksieju Azaravu.
«U ciapierašni čas rašeńnie nakiravanaje dla vykanańnia kampietentnym orhanam Italjanskaj Respubliki ŭ ramkach mižnarodnaj pravavoj dapamohi pry praviadzieńni pracesualnych dziejańniaŭ», — zajavili ŭ Hienprakuratury.
Va Ukrainie Alaksieja Azarava padazrajuć u niezakonnym uzbahačeńni na sumu 7,7 młn jeŭra, 600 tys šviejcarskich frankaŭ i 500 tys dalaraŭ. Akramia taho, Azaraŭ doŭhi čas znachodziŭsia ŭ sankcyjnym śpisie Jeŭrasajuza, adnak u sakaviku stała viadoma, što ES źniaŭ sankcyi z syna byłoha premjera Ukrainy.
Raniej u paniadziełak baćka Alaksieja Mikałaj Azaraŭ, jaki znachodzicca ŭ mižnarodnym vyšuku, abviaściŭ na pres-kanfierencyi ŭ Maskvie ab stvareńni Kamiteta vyratavańnia Ukrainy, jaki vystupaje za daterminovyja vybary va Ukrainie. U Kamitecie navat vybrali kandydaturu na rolu prezidenta — Uładzimira Alejnika, jaki padazrajecca ŭ arhanizacyi niezakonnaha hałasavańnia ŭ Viarchoŭnaj Radzie.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary