Kiraŭnik Adeskaj abładministracyi Michaił Saakašvili zajaviŭ pra namier pieraskiravać praz Ukrainu patok hruzaŭ, jakija pavinny pajści z Kitaja ŭ Jeŭropu praz Rasiju pa novym «Šaŭkovym šlachu». Pra heta były prezident Hruzii zajaviŭ u efiry ŭkrainskaha «5 kanała», pieradaje lenta.ru.
«Šaŭkovy šlach», pa zadumie Saakašvili, pavinien prajści praz ukrainski port Iljičeŭsk. «Realna łahistyka zajmaje 30 dzion praz Rasieju, praź Iljičeŭsk - maksimum dzieviać dzion. Usio ŭžo pabudavana. Vialikija płyni treba pryvieści. I heta mahčyma pryvieści, heta isnuje», - zajaviŭ adeski hubiernatar.
Pavodle jaho słoŭ, dla realizacyi prajekta nieabchodna pabudavać most praz Dniastroŭski liman. Pry hetym, dziakujučy mostu, pa słovach Saakašvili, «nichto nikoli nie adarvie Biesarabiju» ad Ukrainy. «My ŭžo pracujem», - zapeŭniŭ jon.
Ekanamičny pojas «Šaŭkovaha šlachu» - infrastrukturny prajekt, jaki pavinien zabiaśpiečyć transpartny kalidor pamiž Kitajem i Jeŭropaj. Adna z halinak «Šaŭkovaha šlachu» pavinna prajści praz Rasiju.
Kamientary