Navukoŭcy: ludzi hałasujuć za palitykaŭ ź nizkim hołasam
Dziakuj piačornym instynktam.
Amierykanskija daśledčyki pasprabavali vyličyć vobraz daskanałaha kandydata ŭ prezidenty ZŠA, ale znajšli cikavuju asablivaść elektaralnaj psichałohii, pra jakuju raspaviali na staronkach PLoS.
Ludzi čaściej hałasujuć za mužčyn 40-50 hod. Jak vyśvietliłasia, mienavita praź ich hłyboki, nizki, basavity hołas. Chutčej za ŭsio, dziakavać treba dalokim prodkam čałavieka, jakija śledavali za lidaram u litaralnym, nie ideałahičnym sensie.
Jak tysiačy hod tamu, tak i siońnia čałaviek chutčej davierycca ŭładalniku nizkaha hołasa, palityka moža adyści na druhi płan.
Daśledčyki pradstavili paddoślednym niekalki vydumanych palitykaŭ z fota i bijahrafijami: pieramiešvali teksty sa zdymkami i pakazvali na ekranie kampjutara, prapanujučy prahałasavać. Akazałasia, što ludzi chutčej hałasujuć za mužčyn 40-50 hod.
Jakraz u mužčyn takoha ŭzrostu hołas zvyčajna najbolš hłyboki. Daśledčyki vyrašyli pravieryć suviaź elektaralnych pieravah z hołasam: vydumanym palitykam nadali roznyja, vyšejšyja i nižejšyja hałasy. Jak akazałasia, za «nizkich» vydumanych palitykaŭ prahałasavała 60-76% paddoślednych. Pry hetym paddoślednyja asensoŭvali hołas ź siłaj i kampietentnaściu kandydata, a nie jaho ŭzrostam.
Zaležnaść nie adnaznačna dakładnaja, ale, jak pakazała nastupnaje daśledavańnie, ŭ pryncypie nazirałasia i na vybarach u amierykanski Kanhres u 2012 hodzie: i respublikancy, i demakraty pieramahali čaściej, kali mieli nizki hołas. Patłumačyć heta navukoŭcy mohuć tolki piačornymi instynktami.
Viadoma, ludziam ad pryrody dadzienyja roznyja, vysokija i nizkija hałasy. Ale jość šerah pryjomaŭ, kab zrabić svoj hołas hłybiejšym i bahaciejšym. Naprykład, tak, jak raić akcior Haret Džejmsan:
Parada «hołasa Boha», akciora Morhana Frymana jašče praściejšaja: čaściej paziachajcie.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary