Kitaj zabłakavaŭ 50 sajtaŭ za raspaŭsiud čutak ab vybuchu ŭ Ciańczini, miž tym aficyjnyja ličby achviaraŭ vyhladajuć zanižanymi
Kitajski internet-rehulatar ŭzmacniŭ abmiežavalnyja miery z pryčyny raspaŭsiudu ŭ sietcy čutak ŭ suviazi z vybucham u horadzie Ciańcziń na poŭnačy krainy.
Pra heta ŭ niadzielu, 16 žniŭnia, paviedamlaje kitajskaje infarmacyjnaje ahienctva Sińchua sa spasyłkaj na zajavu Administracyi pa kibierprastory Kitaja (Cyberspace Administration of China, CAC), jakaja było raspaŭsiudžanaja pozna ŭviečary 15 žniŭnia.
50 sajtaŭ byli abvinavačanyja ŭ pravakavańni paniki: jany publikavali niepaćvierdžanyja źviestki abo dazvalali svaim naviedvalnikam raspaŭsiudžvać biespadstaŭnyja čutki, cytuje paviedamleńnie «Niamieckaja chvala».
Administracyja abviaściła pra palityku «nulavoj ciarpimaści» da sajtaŭ, jakija raspaŭsiudžvajuć infarmacyju, jakaja datyčycca bujnych katastrof i nie adpaviadaje rečaisnaści.
U pryvatnaści, na zabłakavanych sajtach śćviardžałasia, što vybuch «źniščyŭ amal 1000 čałaviek» i «handlovyja centry ŭ Ciańczini razrabavanyja».
U Administracyi pa kibierprastory Kitaja zajavili, što takija čutki pryvodziać da niehatyŭnych nastupstvaŭ. Viedamstva adklučyła i adklikała licenzii ŭ 18 sajtaŭ, a taksama zamaroziła aktyŭnaść jašče na 32 resursach.
Pavodle apošnich dadzienych u vyniku vybuchu na składzie chimičnych rečyvaŭ u Ciańczini zahinuła nie mienš jak 112 čałaviek, paraniena bolš za 700, kala 100 čałaviek zastajucca źnikłymi bieź viestak, u tym liku 85 pažarnych.
Razam z tym AFR paviedamlaje sa spasyłkaj na načalnika hienštaba vajennaj akruhi Piekina, što na składzie chimičnych rečyvaŭ u kitajskim Ciańczini zachoŭvalisia sotni ton atrutnaha cyjanidu natryju.
Ułady Kitaja sprabavali supakoić hramadskaść tym, što niahledziačy na pavyšeńnie kancentracyi ŭ pavietry jadavitych rečyvaŭ u Ciańczini biaśpiečna. Adnak u subotu «Sińchua» paviedamiła, što kancentracyja cyjanidu ŭ ściokavych vodach ŭ 10,9 razoŭ pieravysiła dapuščalnyja normy na nastupny dzień paśla vybuchaŭ. Z tych časoŭ jana źniziłasia, ale da hetaha času udvaja pieravyšaje normu.
Niahledziačy na heta 16 žniŭnia ŭłady praviali evakuacyju nasielnictva z prylehłych da avaryi rajonaŭ.
Kamientary