Rasśledavańnie praciahvajecca.
Jak paviedamili ŭ Śledčym kamitecie, apieratyŭnymi supracoŭnikami MUS zadakumientavany abstaviny złoŭžyvańnia słužbovymi paŭnamoctvami hienieralnym dyrektaram chakiejnaha kłuba «Dynama-Minsk» Maksimam Subotkinym, jakoje paciahnuła pryčynieńnie škody kłubu ŭ asabliva bujnym pamiery.
«Akramia taho, supracoŭnikami milicyi vyjaŭleny fakty kradziažu šlacham złoŭžyvańnia słužbovymi paŭnamoctvami, ździejśnienaha hienieralnym mieniedžaram Uładzimiram Bieražkovym. Apošni na praciahu hoda sistematyčna prysvojvaŭ hrašovyja srodki chakiejnaha kłuba i rasparadžaŭsia imi pa svaim mierkavańni.
U ciapierašni čas papiaredni pamier vykradzienaha Uładzimiram Bieražkovym aceńvajecca ŭ sumu nie mienš za adzin miljard rubloŭ.
Kančatkovy pamier škody, pryčynienaj słužbovaj asobaj, vyznačajecca», — adznačyli ŭ SK.
Subotkinu i Bieražkovu pradjaŭlena abvinavačańnie. Jany znachodziacca pad vartaj.
Rasśledavańnie kryminalnych spraŭ praciahvajecca.
Hladzicie taksama: Piać faktaŭ pra aryštavanaha Uładzimira Bieražkova
Kamientary