Pyšnaje pachavańnie «Karala Ryma» vyklikała škvał abureńnia FOTA
65-hadovaha ŭpłyvovaha bosa mafii Vitorya Kasamonika pravodzili ŭ apošni šlach ź niezvyčajnaj pychaj pad miełodyju filma «Chrosny baćka».
Trunu ź ciełam niabožčyka mafijozi dastavili ŭ carkvu San Džavani Boska ŭ pryharadzie Ryma ŭ karecie, zaprežanaj šaściorkaj koniej z čornym plumažam.
Karetu supravadžali čornyja limuziny ź viankami. Ź viertalota na ziamlu lacieli pialostki čyrvonych ruž. Sotni ludziej u ślazach pryjšli raźvitacca z Kasamonika, jaki, imavierna, pamior ad raku.
Katafałk ź ciełam Kasamonika dastavili ŭ carkvu, dzie na naviedvalnikaŭ taksama skinuli pialostki čyrvonych ruž.
«Ty zdoleŭ zavajavać Rym, čarha za rajem», — abviaščaŭ nadpis na adnym z płakataŭ, jakija visieli na bramie pierad carkvoj.
«Karol Ryma» — było napisana na druhim płakacie.
Italjanskija palityki asudzili pakaznoje dziejstva.
Deputaty ź levaj partyi zaklikali ŭłady Italii vyśvietlić, chto dapuściŭ praviadzieńnie nastolki pyšnaha pachavańnia. «Padobnaje zusim niedapuščalna ŭ demakratyčnaj dziaržavie», — havorycca ŭ zajavie deputataŭ.
Palityki nazvali pachavańnie ŭ duchu halivudskich filmaŭ adkrytaj zajavaj ab biespakaranaści złačyncaŭ i zaklikali pryniać miery, kab zabaranić padobnyja mierapryjemstvy, jakija prasłaŭlajuć kryminalnikaŭ.
Italjanskija ŭłady abvinavačvajuć mafijozny kłan Kasamonika ŭ rekiecie, vymahalnictvie, handli narkotykami i admyvańni hrošaj.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary