Patok rasijskich turystaŭ u Biełaruś u 2015 hodzie skaraciŭsia prykładna na 10%, paviedamiŭ namieśnik ministra sportu i turyzmu Michaił Partnoj na pres-kanfierencyi 25 vieraśnia.
Na jaho dumku, heta źviazana z devalvacyjaj rasijskaha rubla i adpaviedna źnižeńniem płaciežazdolnaści rasijan.
Jak zaznačyŭ namieśnik ministra, dola rasijan siarod zamiežnych turystaŭ dasiahała 70%, adnak u suviazi z najaŭnaj situacyjaj Biełaruś maje namier dyviersifikavać ekspart turystyčnych pasłuh. «My vychodzim na Zachodniuju Jeŭropu, Kitaj, Izrail, ZŠA, Kanadu i h.d. Heta idzie vielmi marudna, ale idzie», — skazaŭ jon.
U cełym, pavodle słoŭ Partnoha, turysty nie stali mienš padarožničać u Biełaruś. «Za pieršaje paŭhodździe 2015 hoda da nas pryjechali bolš jak 2 młn naviedvalnikaŭ. Ludzi prosta stali vydatkoŭvać mienš i vybirać bolš biudžetnyja varyjanty», — skazaŭ namieśnik ministra.
Pry hetym jon ličyć, što ceny na turpasłuhi ŭ Biełarusi ŭ dalejšym padać nie buduć. «Ceny na turpradukt padajuć u suviazi z suśvietnym ekanamičnym kryzisam, ale razam z tym pakul budzie popyt — budzie pakupnik. Padarožničać ludzi buduć zaŭsiody, i, napeŭna, hetaja parohavaja cana nižej nie apuścicca», — zaznačyŭ Partnoj.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary