patrabavali, kab kiroŭcy jechali ŭ Miensk. Pra heta siońnia zajaviŭ na bryfinhu namieśnik Upraŭleńnia Dziaržaŭtainspekcyi MUS pałkoŭnik Ihar Vanicki.
Materyjały pravierki pa fakcie darožna‑transpartnaha zdareńnia 2 sakavika ŭ Minskim rajonie niepadalok ad vioski Sieńnica buduć pieradadzienyja dla pravavoj acenki abo ŭ prakuraturu Minska abo ŭ Hienieralnuju prakuraturu. Ab hetym 12 sakavika paviedamiŭ žurnalistam namieśnik načalnika ŭpraŭleńnia DAI MUS Biełarusi Ihar Vanicki.
DTZ zdaryłasia ŭ niadzielu, 2 sakavika, prykładna ŭ 21.43. Pavodle infarmacyi I.Vanickaha, u hety dzień małady čałaviek, vadziciel aŭtamabila «Holf», u niećviarozym stanie vyjechaŭ z Homiela ŭ Minsk. U Słucku jon praciahvaŭ užyvać śpirtnyja napoi i, jak śviedčać pasažyry sałona, praciahvaŭ pić za rulom u darozie. U rajonie Słucka supracoŭniki miascovaj Dziaržaŭtainśpiekcyi pasprabavali spynić mašynu za pieravyšeńnie chutkaści, adnak vadziciel nie padparadkavaŭsia im, paśla čaho za im była arhanizavana pahonia milicejskich mašyn z uklučanymi mihałkami i sirenami.
Pavodle słoŭ I.Vanickaha, pryciahnuć da dapamohi ŭ zatyrmańni parušalnika supracoŭnikaŭ DAI inšych rajonaŭ nie ŭdałosia «pa ab\jektyŭnych pryčynach». Tak, pavodle jaho słoŭ, z‑za «miortvych zon radiosuviazi» infarmacyju ab nabližeńni da stalicy parušalnika haradskoje DAI atyrmała za 19 chvilin da DTZ. Nasustrač jamu byli vysłanyja dva bližejšyja ekipažy, jakija vyjazdžali z horada na adlehłaści adzin ad adnaho ŭ niekalki sotniaŭ mietraŭ pa sustrečnaj pałasie, pryciahvajučy ŭvahu vadzicielaŭ, jakija ŭjazdžali ŭ horad, sirenami i mihałkami. Vadzicieli źnižali chutkaść, kali byčyli mašyny DAI, što ruchalisia im nasustrač.
Kali pieršaja mašyna DAI paraŭniałasia z transpartnymi srodkami, jakija ŭjazdžali ŭ Minsk i zamykali kałonu, adzin z supracoŭnikaŭ milicyi vyjšaŭ z mašyny i znakami prapanavaŭ im pradoŭžyć ruch. Druhi supracoŭnik vyjści nie paśpieŭ, bo zdaryłasia sutyknieńnie: «Holf» urezaŭsia ŭ aŭtamašynu, što zapavolvała chod i jechała ŭ bok horada. U vyniku DTZ vadziciel «Holfa» praktyčna nie paciarpieŭ, ciažkija cialesnyja paškodžańni atrymała jaho pasažyrka i lohkija cialesnyja paškodžańni — ludzi, jakija byli ŭ druhim aŭtamabili.
Pavodle słoŭ I.Vanickaha, jon ličyć dziejańni supracoŭnikaŭ DAI ŭ toj kankretnaj abstanoŭcy pravilnymi. Pavodle jaho słoŭ, z‑za niesvoječasovaha pryniaćcia infarmacyi ekipažy spaźnilisia da miesca, dzie možna było b zabłakavać mašynu parušalnika. Pryčym, jak zaznačyŭ namieśnik načalnika DAI, milicyjaniery źbiralisia prapuścić mašyny cyvilnych hramadzian i pakłaści na darozie śpiecyjalnaje prystasavańnie typu «Jož» dla spynieńnia parušalnika, jaki ŭ hety čas ruchaŭsia z chutkaściu 120‑140 km/hadz, a chutkaść jaho na trasie dasiahała 180 km/hadz.
I.Vanicki paprasiŭ prabačeńnia za dziejańni svaich suparcoŭnikaŭ. «Z maralnaha punktu hledžańnia heta zusim drenna. Na adnoj čašy šalaŭ — DTZ, na druhoj — mierkavańni supracoŭnikaŭ DAI adnosna nastupstvaŭ, što mahli być, kali b «Holf» ujechaŭ u horad», — skazaŭ jon.
Nahadajem, u prakuraturu Minska 11 sakavika pieradadziena skarha na dziejańni supracoŭnikaŭ darožna‑patrulnaj słužby DAI, jakija stvaryli niebiaśpiečnuju situacyju dla žyćcia i zdaroŭja hramadzian. Jak paviedamiła BiełaPAN advakat Viera Stramkoŭskaja, 2 sakavika na 8‑m kiłamietry aŭtadarohi Minsk — Mikaševičy supracoŭniki Dziaržaŭtainśpiekcyi dla taho, kab spynić parušalnika, jaki pieraśledavaŭsia milicyjaj, stvaryli zaharodžu z aŭtamašyn, u jakich znachodzilisia ludzi, jakija ničoha nie padazravali.
Tym časam stała viadoma, što staličnyja aŭtamabilisty majuć namier pravieści 13 sakavika svojeasablivuju akcyju pratestu. Ab hetym havorycca ŭ listach, jakija 12 sakavika mnohija interniet‑karystalniki atrymali pa elektronnaj pošcie. U ich prapanujecca «abaznačyć svaju aŭtamašynu nievialikaj čornaj stužkaj na antenie» ŭ suviazi z «samavolstvam supracoŭnikaŭ DAI».
Kamientary