Pratesty raspačynali prajeŭrapiejskija siły, a ciapier vulicy ŭ centry Kišyniova zabłakavali prarasijskija elemienty.
Adzin z arhanizataraŭ akcyj pratestu ŭ Kišyniovie, lidar prarasijskaj «Našaj partyi» Renata Vusaty zajaviŭ, što pierakryćcie pratestujučymi centralnaj vulicy Kišyniova — heta tolki pieršy punkt płana «B», a ŭ dalejšym Małdovu čakajuć «viasiołyja dni i nočy».
«Na bližejšyja dva dni my, całkam lehalna i mirna, pierakryli praśpiekt Štefana Vialikaha. Chaču padkreślić, što heta tolki pieršy punkt našaha «płana B». Kali nie budzie reakcyi — a reakcyja nas zadavalniaje tolki adna — adstaŭka prezidenta Cimafci — tady toje, što adbyłosia nočču ŭ centry stalicy, moža adbycca na praciahu bližejšych dzion u roznych rajonach horada. Mohuć być pierakrytyja darohi ŭ roznych rajonach krainy», — zajaviŭ Vusaty u svaim vystupie pierad prysutnymi. Jaho cytujuć infarmacyjnyja ahienctvy.
Akcyju pratestu ŭ skviery pierad parłamientam arhanizavali sacyjalisty i «Naša partyja». Paśla jany pastavili namioty haradok na prajeznaj častcy centralnaj aŭtamahistrali Kišyniova.
Mer Kišyniova zajaviŭ, što dadzienyja pratesty arhanizavany Maskvoj.
Raniej hramadzianskaja płatforma «Hodnaść i praŭda» pastaviła svaje namioty na centralnaj płoščy horada. Jany pratestavali suprać karupcyi i patrabavali poŭnaj pierazahruzki partyjnaj sistemy krainy.
Akramia hetaha, jany patrabujuć pryciahnuć da kryminalnaj adkaznaści vinavatych u kradziažy bolš za miljard dalaraŭ z bankaŭskaj sistemy krainy, što pryviało da bankructva troch najbujniejšych bankaŭ krainy — Aščadbanka, Sacyjalnaha banka i «Unibank».
Kamientary