Były śpikier Hienštaba USU zaklikaŭ nasielnictva Sum evakujavacca z-za nastupu Rasii
Pry hetym jon vykazaŭ nadzieju, što akupantam usio ž nie ŭdasca pieraadoleć pieradavyja abaronnyja rubiažy, piša UNIAN.
Na Sumskim napramku za apošni tydzień rasijskija akupanty aktyŭna prasoŭvajucca, stvarajučy pahrozu dla horada Sumy. Pra heta zajaviŭ były pres-sakratar Hienštaba i vajenny ekśpiert Uładzisłaŭ Sielaźnioŭ.
Na fonie arhanizacyi abarony horada jon nastojliva rekamiendavaŭ žycharam Sum, asabliva siemjam ź dziećmi i piensijanieram, evakujavacca z abłasnoha centra.
Sielaźnioŭ adznačyŭ, što rasijanie pastavili pierad saboj zadaču za košt Sumščyny stvaryć bufiernuju zonu. Pry hetym jon vykazaŭ nadzieju, što akupantam usio ž nie ŭdasca pieraadoleć pieradavyja abaronnyja rubiažy.
«Kali adbudziecca praryŭ fartyfikacyj, heta moža śviedčyć abo pra drennuju pracu abłasnoj vajskovaj administracyi, abo pra toje, što vorah maje pieravahu ŭ resursach nastolki značnuju, što zdolny prachodzić navat našy abaronnyja zbudavańni», — vykazaŭ mierkavańnie Sielaźnioŭ.
Sumski napramak
Niadaŭna artylerysty raspaviali pra situacyju na Sumščynie. Jany adznačyli, što ciapier praca stała bolš napružanaj. Rasijanie padciahvajuć siły da miažy z Ukrainaj.
Artylerysty Uzbrojenych Sił Ukrainy, pazicyi jakich raźmieščany ŭ Sumskaj vobłaści na miažy z Kurskaj vobłaściu, zhadžajucca z dadzienymi ŚMI pra toje, što akupantam udajecca prasoŭvacca ŭ Sumskaj vobłaści dziakujučy vialikaj kolkaści žyvoj siły.
Jany adznačyli, što tut mała miechanizavanych šturmaŭ, ale vielmi šmat piachotnych «nakataŭ».
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary