«Centrvybarkam suprać stymulavańnia daterminovaha hałasavańnia», — zajaviła žurnalistam staršynia CVK Lidzija Jarmošyna 7 kastryčnika paśla taho, jak prahałasavała na vybarčym učastku № 48 u Minsku na praśpiekcie Pieramožcaŭ, 100.
Na pytańnie, z čym źviazanaja vysokaja aktyŭnaść vybarščykaŭ u pieršy dzień daterminovaha hałasavańnia, Jarmošyna adkazała, što prahałasavać daterminova źjaŭlajecca «absalutnym pravam vybarščykaŭ». «My nie apytvajem, čamu jany vyrašyli prahałasavać daterminova. Heta prava vybarščyka — prahałasavać daterminova abo ŭ dzień vybaraŭ», — dadała jana.
Pavodle źviestak CVK, u pieršy dzień daterminovaha hałasavańnia, 6 kastryčnika, jaŭka vybarščykaŭ na ŭčastki dla hałasavańnia skłała 4,49%, što bolš za anałahičny pakazčyk prezidenckich vybaraŭ 2010 hoda (3,4%) i 2006-ha (3%).
Jarmošyna rastłumačyła, čamu sama hałasuje daterminova. «Pa miery nabližeńnia da vybaraŭ usio ciažej budzie vybracca na vybarčy ŭčastak. U pieršy dzień daterminovaha hałasavańnia ja nie chaču hałasavać, tamu što ŭ vybarčaj kamisii mohuć być niejkija prablemy, mohuć zdarycca niepaładki. Tamu druhi dzień — aptymalny. Dalej buduć šmat sustreč ź mižnarodnymi naziralnikami, pradstaŭnikami ŚMI», — skazała kiraŭnik CVK.
Na pytańnie, za kaho jana prahałasavała, Jarmošyna adkazała: «Zdahadajciesia z troch razoŭ».
Kamientary