Kandydat u prezidenty Mikałaj Ułachovič daŭ intervju žurnalistu Meduza.io Ilji Azaru.
Niekatoryja jaho zajavy vielmi cikavyja:
«Što heta naohuł za łozunhi [u biełaruskaj apazicyi]: «Pahoniu» dajcie, dajcie [bieł-čyrvona-bieły] ściah? Heta ž palicejski ściah, jaho padčas vajny palicai nasili na paviazkach. Moj baćka byŭ represavany, jon viazień Buchienvalda, surjozna.
Naš «Małady front» ličyć svaim zasnavalnikam Banderu. Jakaja roźnica pamiž tymi banderaŭcami, jakija va Ukrainie siońnia pad Jarašam chodziać, i «Maładym frontam»? U hetych lidar Sieviaryniec — małady taksama. Nacysty, nacpatryjoty ja ich nazyvaju. Spačatku jany nacpatryjoty, potym stanoviacca nacystami, u rešcie rešt skočvajucca ŭ fašyzm. Voś u čym biada. I hetaha nichto nie choča bačyć.
Ja ŭžo kolki razoŭ kazaŭ, što ŭsio heta skončycca vielmi drenna. U nas 1% takich, jak va Ukrainie, — ahresiŭna nastrojenych suprać navat nie SSSR ci Łukašenki, a suprać našaha žyćcia. Jany ŭsio roŭna buduć ciahnuć nas u nacyjanalny bok, kab byli majdany, kab byli revalucyi. Jany zaŭtra nas taksama apranuć u mundziry i buduć bolš žorstka pytacca, čym dziejučy prezident. U dziasiatki razoŭ. Mała taho — pačniecca raźnia.
Praktyka pakazała, žyćcio pakazała, što kali adny sychodziać ad ułady, a prychodziać tyja, jakija jarka vystupajuć suprać ciapierašniaj ułady, jakija pasiadzieli ŭ turmie, abo tyja, jakich pakryŭdzili na ŭsio žyćcio, jany buduć rezać, fizična źniščać svaich supiernikaŭ. I heta zakranie usio nasielnictva.
— Va Ukrainie ž nie pačali rezać nasielnictva.
— Čamu nie pačali, chto vam skazaŭ? A kali zaraz prakurora miascovaha — chaj jon drenny, kimści pryznačany — zasadžvajuć ŭ bak, robiać jamu lustracyju, ździekujucca ź jaho? Chto viedaje, kaho tam rezali, kaho nie rezali?
Ja i nie kažu pra bajavyja dziejańni, jakija tam iduć. Ja viedaju, što takoje vajna: heta brud, heta kroŭ, i samaje strašnaje dla mužčyny — što jon nie moža abaranić svaju siamju.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary