Dačka prezidenta Rasii Uładzimira Pucina Kaciaryna Cichanava dała svajo pieršaje intervju rasijskim ŚMI.
Intervju ź Cichanavaj praviali žurnalisty rasijskaha «Interfaksa». U im niama nivodnaha pytańnia pra toje, ci sapraŭdy jana dačka Pucina. Akramia taho, jano nie ŭtrymlivaje adkazu na pytańnie, jakim čynam mienavita jana ŭznačaliła fond sa šmatmiljonnym abarotam hrošaj.
U intervju Cichanava zajaviła, što pryjšła ŭ fond «Inapraktyka», tamu što vučyłasia ŭ MDU i da hetaha času zajmajecca tam navukovaj dziejnaściu ŭ halinie teoryi kiravańnia.
«Kali dakładniej, to maja praca lažyć u halinie kahnityŭnaj navuki i znachodzicca na styku jak minimum piaci dyscyplin — matematyčnaha madelavańnia, miechaniki, psichałohii, fizijałohii, i ŭ pryncypie tyčycca bijachimii», — skazała jana.
Jak viadoma, asabistaje žyćcio Uładzimira Pucina staranna chavajecca. Viadoma, što ŭ jaho jość dźvie dački. U ŚMI i palityčnych kołach kažuć, što Kaciaryna Cichanava — dačka Pucina.
U fejsbuku kiraŭnik ekanamičnaha adździeła «Interfaksa» Juryj Pahareły ŭskosna paćvierdziŭ, što Cichanava — dačka prezidenta. Kamientujučy post hałoŭreda RBK Lizaviety Asiacinskaj, jon rastłumačyŭ: «Liza, tabie časta dačka Pucina daje intervju? Nam jana dała voś na takich umovach — tolki pra MDU. I biez fatahrafii. Nam akiej», — napisaŭ jon.
Jak pisaŭ zasnavany Alaksiejem Navalnym «Fond baraćby z karupcyjaj», Kaciaryna Cichanava ŭznačalvaje nikomu nieviadomy fond z najbujniejšym hadavym biudžetam u 281 młn rubloŭ.
-
ZŠA rychtujuć novyja sankcyi suprać rasijskaj nafty, kali Rasija adchilić mirnaje pahadnieńnie
-
Daradčyca Trampa acharaktaryzavała jaho jak pomślivuju asobu z charaktaram ałkaholika, a Maska — jak kietaminščyka
-
Śpikier Siejma Litvy dapuściŭ źmianieńnie adnosin ź Biełaruśsiu: adny tolki sankcyi dajuć vynik, ale nie kančatkovy
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ145
Kamientary