Brytanski mastak pryjechaŭ u Minsk, kab namalavać aŭtentyčnaje biełaruskaje hrafici FOTA
Papularny brytanska-aŭstralijski vuličny mastak Huida van Chiełten paśla svajoj vandroŭki ŭ Kijeŭ naviedaŭ Biełaruś. Hraficist udzielničaje u «Urban Myths» — Mižnarodnym fiestyvali manumientalnaha mastackaha rośpisu (muralizm), u ramkach jakoha vuličnyja mastaki z dapamohaj miascovych vałancioraŭ i zvyčajnych haradžan pieraasensoŭvajuć haradskija mify i stvarajuć svaje mastackija raboty na asnovie ŭrbanistyčnych tradycyj.
Huida vyklikaŭ burnaje abmierkavańnie va Ukrainie svaimi hrafici ŭ Kijevie.
Siońnia ž hraficist ładziŭ sustreču ŭ Minsku, dzie raspaviadaŭ pra svoj styl i pakazvaŭ prykłady pracaŭ, zroblenych pa ŭsim śviecie.
Huida pieravažna cikaviać nacyjalnyja vobrazy i styli roznych krain. Pierad tym jak malavać, jon vyvučaje nacyjalnuju śviadomaść i identyfikacyju naroda. Apošnim časam Huida zacikaviŭsia temaj biežancaŭ.
Huida pryjechaŭ tolki niadaŭna, ale ŭžo paśpieŭ abjechać roznyja etničnyja muziei i histaryčnyja miescy Biełarusi. «Ja płanuju namalavać niešta biełaruskaje, ale nie skažu što». Hrafici płanujecca źmieścić na vulicy Rabkoraŭskaj.
Sam mastak vielmi zachapiŭsia biełaruskaj historyjaj. Jamu spadabalisia nacyjanalnyja stroi, jon naviedaŭ Niaśvižski zamak, heta jaho vielmi natchniała. Vizit mastaka staŭsia realnym dziakujučy padtrymcy kampanii Vizor Interactive i Pasolstva Vialikabrytanii.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary