U Maskvie praviali marš pryśviečany lehiendarnamu paradu 1941 hoda. Pa Krasnaj płoščy prajšli 45 paradnych raźlikaŭ u formie adzieńnia 1941 hoda. Marš skončyŭsia adkryćciom na Krasnaj płoščy muzieja vajennaj techniki, jaki možna budzie naviedać da 17.00.
U maršy ŭdzielničali bolš za 5,5 tysiač čałaviek, siarod jakich 21 vieteran-udzielnik parada 7 listapada 1941 hoda ź liku 46, jakija jašče žyvyja, Hieroi Savieckaha Sajuza, Hieroi Sacyjalistyčnaj Pracy i Hieroi Pracy Rasii, členy ŭrada Maskvy, deputaty, školniki.
«Tut, na Krasnaj płoščy, našy dziady i pradziedy nanieśli fašyzmu pieršy ŭdar, i ŭsiaho tolki praź miesiac adbyłasia pieršaja vialikaja vajennaja pieramoha», — źviarnuŭsia da ŭdzielnikaŭ maršu mer Maskvy Siarhiej Sabianin.
Vajenny parad na Krasnaj płoščy adbyŭsia padčas abarony Maskvy 1941 hoda i byŭ prymierkavany da 24-j hadaviny Kastryčnickaj revalucyi, u hety čas linija frontu znachodziłasia pobač z horadam. Mnohija padraździaleńni paśla zakančeńnia parada adrazu adpravilisia na front. Dzień praviadzieńnia parada, 7 listapada, źjaŭlajecca Dniom vajskovaj słavy Rasii.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary