Pres-sakratar prezidenta Rasii Dźmitryj Piaskoŭ nahadaŭ, što admova Ukrainy vypłačvać doŭh rasijskamu boku ŭ pamiery troch miljardaŭ dalaraŭ budzie aznačać defołt krainy.
«Havorka idzie pra suvierenny doŭh, naturalna, jaho niavypłata budzie aznačać defołtnuju situacyju», - adznačyŭ pres-sakratar.
U pačatku vieraśnia 2015 ministr finansaŭ Ukrainy Natalla Jaraśko u intervju vydańniu «Apostraf» raspaviała, što krainu čakaje defołt u tym vypadku, kali parłamient nie padtrymaje ŭmovy restrukturyzacyi doŭhu.
6 kastryčnika rejtynhavaje ahienctva Fitch paniziła kredytny rejtynh Ukrainy da ŭzroŭniu RD (abmiežavany defołt).
27 žniŭnia Rasija admoviłasia prymać udzieł u restrukturyzacyi ŭkrainskaha doŭhu. Ministr finansaŭ Anton Siłuanaŭ kazaŭ, što rasijski bok nie zhodny śpisvać 20% ad troch miljardaŭ dalaraŭ. Na hetyja srodki ŭ 2013 hodzie Rasija kupiła vypuščanyja Ukrainaj jeŭrabondy. Termin ich pahašeńnia - 2015 hod.
Kamientary