Ukraina i Turcyja buduć sumiesna raźvivać marskuju pramysłovaść dla ŭmacavańnia biaśpieki i abarony akvatoryi Čornaha mora, zajaviŭ namieśnik kiraŭnika kancerna «Ukrabaronpram» Dzianis Hurak, jaki pryniaŭ udzieł u abaronna-pramysłovaj kanfierencyi Turkey Defence Week 2015.
Pra heta paviedamlajecca ŭ pres-relizie kancerna.
Kancern «Ukrabaronpram», pa słovach Huraka, uziaŭ kurs na pryciahnieńnie zamiežnych inviestycyj u APK Ukrainy.
Hałoŭnaja meta hetaj dziejnaści zaklučajecca ŭ zabieśpiačeńni ukrainskich uzbrojenych sił sučasnymi uzbrajeńniami i bajavoj technikaj.
U hetym hodzie Ukraina i Turcyja ŭžo zaklučyli šerah pahadnieńniaŭ ab sumiesnych prajektach u halinie kaśmičnaj, avijacyjnaj i braniatankavaj pramysłovaści.
Pytańni vajenna-techničnaha supracoŭnictva dźviuch krain abmiarkoŭvalisia padčas vizitu na Ukrainu prezidenta Turcyi Redžepa Teipa Erdahana ŭ sakaviku 2015 hoda.
Turcyja, jak było zajaŭlena na kanfierencyi Turkey Defence Week 2015, jakaja pracavała 10-12 listapada ŭ Ankary, maje namier davieści abjomy svajho abaronnaha ekspartu da 25 młrd dalaraŭ da 2023.
U pracy kanfierencyi pryniali ŭdzieł pradstaŭniki tureckich uzbrojenych sił i abaronnaj pramysłovaści, a taksama śpiecyjalisty ź Vialikabrytanii, Čechii, Ukrainy, Estonii, Słavienii i inšych krain.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary