Ministerstva handlu znajšło rabotu vykankamam: buduć vyjaŭlać rekłamu na asfalcie
Ministerstva handlu ŭ bližejšy čas źvierniecca ŭ vykankamy dla praviadzieńnia invientaryzacyi rekłamy na asfalcie i likvidacyi abjavaŭ, jakija nie adpaviadajuć patrabavańniam dziejučaha zakanadaŭstva. Pra heta paviedamiła žurnalistam namieśnica ministra handlu Iryna Narkievič, pieradaje karespandent BIEŁTA.
«U bližejšy čas my źvierniemsia va ŭsie orhany, jakija ŭ toj ci inšaj stupieni datyčnyja da hetaj temy, jany praviaduć invientaryzacyju i vypišuć pradpisańni, kab nieadpaviednaja patrabavańniam zakanadaŭstva rekłama źnikła», — adznačyła Iryna Narkievič.
Pavodle jaje słoŭ, u apošni čas u Minsku i inšych haradach stała źjaŭlacca dosyć šmat niezakonnaj rekłamy na asfalcie. «Chacieła b papiaredzić biźnies, jaki hetyja abjavy raźmiaščaje, — i handlovyja pradpryjemstvy, i abjekty hramadskaha charčavańnia, i kancertnyja placoŭki, pra toje, što heta možna rabić tolki sa zhody ŭłaśnika», — padkreśliła namieśnik ministra.
Raźmiaščeńnie rekłamy ŭ Biełarusi dapuskajecca pry najaŭnaści dazvołu adpaviednaha vykankama. Taksama nieabchodna atrymańnie dazvołu (afarmleńnie pašparta) i ŭzhadnieńnie vonkavaj rekłamy ŭzdoŭž vulic i daroh.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?9
Kamientary