Hramadzianin Hruzii, rekardsmien Knihi rekordaŭ Hinesa pa nadzimańni hrełki nosam, zatrymany ŭ Maskvie pa padazreńni ŭ kvaternym kradziažy, paviedamiŭ kiraŭnik HU MUS pa Maskvie Andrej Haliakbieraŭ.
Pavodle jaho słoŭ, u sieradu ŭviečary ŭ palicyju źviarnuŭsia maskvič, jaki paviedamiŭ, što ź jaho kvatery źnik darahi hadzińnik i hrašovyja srodki na sumu zvyš za miljon rasijskich rubloŭ. Pa padazreńni ŭ ździajśnieńni hetaha złačynstva palicyjanty zatrymali traich hramadzian blizkaha zamiežža.
Adzin ź ich pradjaviŭ falšyvy pašpart, adnak «u chodzie śledstva asoba hramadzianina była vyśvietlenaja, jon akazaŭsia majstram sportu pa dziudo, rekardsmienam Knihi rekordaŭ Hinesa pa nadzimańni hrełki nosam», raspavioŭ Haliakbieraŭ.
Pavodle jaho słoŭ, kvaterny kradziež byŭ učynieny ŭ dzionny čas šlacham padboru klučoŭ, kali zajaŭnik znachodziŭsia na pracy. Suprać zatrymanych raspačata kryminalnaja sprava pa faktach kradziažu i vykarystańnia zahadzia padroblenych dakumientaŭ.
MUS nie nazyvaje imia zatrymanaha, adnak, pavodle dadzienych sajta Knihi rekordaŭ Hinesa, rekord pa nadzimańni hrełak nosam na praciahu adnoj chviliny naležyć hramadzianinu Hruzii Džamalu Tkiešłašvili. Za zadadzieny pieryjad času spartsmien nadźmuŭ try hrełki da takoj stupieni, što jany razarvalisia. Rekord byŭ pastaŭleny ŭ horadzie Mahdeburh u Hiermanii 2 červienia 2012 hoda. Taksama paviedamlajecca, što sceničnaje imia rekardsmiena — Džamal.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami26
Kamientary