Ministr sportu: Stadyjon «Dynama» dakładna dabudujuć u kancy 2017 hoda
Stadyjon «Dynama» ŭ Minsku dabudujuć roŭna praz dva hady. Pra heta padčas pramoj linii raspavioŭ ministr sportu Alaksandr Šamko. Pavodle jaho słoŭ, budaŭnictva kantralujecca na samym vysokim uzroŭni.
«Nacyjanalny stadyjon u Minsku budzie zdadzieny ŭ ekspłuatacyju ŭ kancy 2017 hoda. Dakładna. Vy možacie ŭ mianie spytać heta jašče piać razoŭ, i ja piać razoŭ adkažu, što heta dakładna. Ja adkazny za budaŭnictva hetaha stadyjona. U tym liku pa ŭkazu prezidenta. Hetamu pytańniu było pryśviečana ŭ tym liku i pasiadžeńnie ŭ kiraŭnika Kamiteta dziaržkantrolu. Na samym vysokim uzroŭni».
Kiraŭnik Minsportu taksama raskazaŭ, što budaŭnictva na ciapierašni momant idzie zhodna z hrafikam, a pa šerahu pazicyj jaho navat apiaredžvaje.
«U mianie vokny vychodziać na budoŭlu, budaŭnictva viadziecca. Inšaja sprava, što rekanstrukcyja — heta zaŭsiody našmat składaniej, čym budaŭnictva novaha stadyjona. U technałahičnym płanie niejkija pracesy tam iduć u dźvie źmieny, niejkija — u adnu… Choć źniešnie, mahčyma, i nie bačna, ale budaŭnictva idzie. Zakłapočanaści pa hetym pytańni ŭ mianie niama. Fiederacyja lohkaj atletyki, Minsportu hetamu pytańniu nadajuć vialikuju ŭvahu», — paviedamiŭ ministr.
Šamko taksama dadaŭ, što jość peŭnyja składanaści z budaŭnictvam, adnak usie jany vyklikanyja tolki tym, što adbyvajecca rekanstrukcyja, a nie budaŭnictva całkam novaha stadyjona. «Praz dva hady ŭ śniežni sustreniemsia kala stadyjona», — upeŭnieny ministr sportu.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie48
Kamientary