Ź fiłfaka BDU adličvajuć udzielnika «Marša studentaŭ»: na zaliku jaho zavaliła dačka Šamiakina

U studenta 2-ha kursa fiłałahičnaha fakulteta BDU Hleba Vajkula, jaki ŭdzielničaŭ u «Maršy studentaŭ» 2 śniežnia, padčas zalikovaj sesii skłalisia prablemy sa zdačaj adnaho zalika. Hety zalik, pa słovach chłopca, staviŭsia ŭsim studentam «aŭtamatam», ale jon čamuści staŭ vyklučeńniem.

Pavialičyć

Hleb Vajkul dva razy zdavaŭ zalik, i kožny raz vykładčyk Taćciana Ivanaŭna Šamiakina jaho nie staviła, spasyłajučysia na niedakładnaści i niapravilnyja farmuliroŭki. Na treci raz małady čałaviek zdavaŭ pradmiet užo kamisii:

«5 studzienia ja zdavaŭ zalik kamisii z troch čałaviek, u tym liku tam prysutničała i T. Šamiakina. Ja adkazaŭ na ŭsie pytańni pa bilecie, i dva siabry kamisii byli zhodnyja z tym, što ja vałodaju infarmacyjaj pa pradmiecie i mnie možna pastavić zalik. Ale Taćciana Ivanaŭna kazała, što ja adkazvaŭ niapravilna, zadavała dadatkovyja pytańni nie pa bilecie. Ja adkazvaŭ i na hetyja pytańni, ale ŭ vyniku, vykładčyca skazała, što choča sustrecca jašče raz na pierazdačy. Ja ździviŭsia, tamu što kamisija – apošniaja instancyja. Ale ja pavieryŭ aŭtarytetu vykładčycy».

Ale paźniej infarmacyja pra pierazdaču zalika kamisii nie spraŭdziłasia, Hleb Vajkul nie zmoh datelefanavacca da vykładčyka. A siońnia pabačyŭ svajo proźvišča ŭ śpisie studentaŭ na adličeńnie.

Pavialičyć

Student dakładna nie moža źviazać niazdaču zaliku z udziełam u «Maršy studentaŭ», ale jon nieadnarazova čuŭ z roznych krynic, što jaho mohuć adličyć za aktyŭnuju pazicyju i adkrytaje vykazvańnie svajho mierkavańnia.

«Ja rychtavaŭsia da ŭsich zalikaŭ i ispytaŭ, ja byŭ upeŭnieny, što suprać mianie buduć pravakacyi. Ale spadziavaŭsia, što ja zdam usie ispyty. Adnak nie čakaŭ, što mianie «zavalać» i heta adbudziecca mienavita na zaliku Taćciany Ivanaŭny Šamiakinaj», - kaža Hleb Vajkul i spadziajecca, što dekanat dazvolić pierazdać jašče raz.

Nahadajem, akcyja «Marš studentaŭ» prajšła ŭ Minsku 2 śniežnia. Na joj maładyja ludzi patrabavali ŭ administracyi ŭniviersiteta ŭdziełu ŭ kiravańni VNU i admieny płatnych pierazdač zalikaŭ i ispytaŭ. Akcyja sabrała kala sotni ŭdzielnikaŭ, padčas jaje nikoha nie zatrymlivali, ale na niekatorych udzielnikaŭ byli składzienyja administratyŭnyja pratakoły. 

U tym liku byŭ składzieny pratakoł i na Hleba Vajkula, paźniej jon byŭ abvinavačany pa č. 1 art. 23.34 KaAP «»Parušeńnie paradku arhanizacyi ci praviadzieńnia masavych mierapryjemstvaŭ» i prysudžany da štrafu ŭ 18 bazavych vieličyń.

* * *

Čytajcie taksama:

Dačka Šamiakina: «Čamu źjazdžaŭ Bykaŭ? Śmiešna ž kazać, što jaho tut ckavali»

• 0
• 0
• 0
• 0
• 0
• 0
• 0
• 0