Jeŭrapiejskija harady pavodle jakaści žyćcia: Minsk usio jašče na 7-m miescy z kanca

Numbeo — prajekt, jaki źbiraje źviestki pra roznyja aśpiekty žyćcia ŭ krainach śvietu. Sajt źbiraje dadzienyja pra krainy pa 8 kryteram. Heta košt žyćcia, ceny na ŭłasnaść, uzroŭni zahružanaści daroh, uzrovień złačynnaści, achovy zdaroŭja, zabrudžvańnia navakolnaha asiarodździa, jakaść žyćcia i košt padarožža. Z prychodam novaha hoda sajt abnaviŭ infarmacyju pra krainy. 

Uzrovień žyćcia

U pieršaj trojcy pa ŭzroŭni žyćcia znachodziacca Ciurych (Šviejcaryja), Edynburh (Vialikabrytanija), Miunchien (Hiermanija). Minsk znachodzicca na 48-m miescy, pierad im znachodzicca Bucharest (Rumynija), a paśla Minska — Rym. Kijeŭ znachodzicca na 52-m, Maskva — na apošnim.

Indeks pakupnickaj zdolnaści

Pieršuju trojku ŭznačalvajuć Ciurych (Šviejcaryja), Ženieva (Šviejcaryja) i Miunchien (Hiermanija). Minsk znachodzicca na 52-m miescy z 54-ch. Pierad Minskam znachodzicca Skopje (Makiedonija), paśla Kijeŭ. Maskva znachodzicca na 42-m miescy.

Indeks biaśpieki

Niehledziačy na vizualna vialikuju kolkaść pravaachoŭnikaŭ, Minsk pakul jašče nie daciahvaje da pieršaj trojki i znachodzicca na 6-m miescy. Pieršuju trojku ŭznačalvajuć Miunchien (Hiermanija), Ciurych (Šviejcaryja) i Tranchiejm (Narviehija). Pierad Minskam znachodzicca Tymišaara (Rumynija), paśla — Rejkjavik (Isłandyja). Varšava na 9-m, Kijeŭ na 34-m, Maskva na 39-m. Na apošnim miescy Turyn (Italija).

Indeks achovy zdaroŭja

Minsk znachodzicca na 38-m miescy. Jaho abahnała Varšava, za Minskam znachodzicca Sankt-Pieciarburh (Rasija). Pieršyja try miescy — Miunchien (Hiermanija), Tranchiejm (Narviehija) i Viena (Aŭstryja). Na apošnim miescy znachodzicca Dublin (Irłandyja). Maskva i Kijeŭ padzialili 44 i 45 miescy. Vilnia znachodzicca na 24 miescy.

Indeks spažyvieckich cen

Samy vysoki indeks u Ciurycha (Šviejcaryja), za im idzie Ženieva (Šviejcaryja) i Tranchiejm (Narviehija). Minsk zaniaŭ 40 miesca z 54-ch, Varšava znachodzicca pierad, paśla — Hdańsk (Polša). Kijeŭ znachodzicca na 53-m, Maskva na 34-m.

Cuadnosiny koštu nieruchomaści da dachodaŭ

Samy vysoki indeks u Vialikabrytanii. Paśla tudy ŭvachodzić Kijeŭ i Maskva. Minsk znachodzicca na 4-m miescy. Vilnia na 14-m, Varšava na 19-m. Apošniaje miesca zajmaje Rejkjavik (Isłandyja). 

Taksama na sajcie prajekta možna paraŭnać indeksy aŭtamabilnaha trafiku, zabrudžvańnia i klimatu.

• 0
• 0
• 0
• 0
• 0
• 0
• 0
• 0