Źbity ŭ sudzie žurnalist prajšoŭ miedahlad u Dziaržkamitecie sudovych ekśpiertyz
Žurnalist partała tut.by Pavieł Dabravolski, źbity 25 studzienia ŭ sudzie Frunzienskaha rajona Minska padčas vykanańnia svaich prafiesijnych abaviazkaŭ, prajšoŭ miedycynski ahlad u Dziaržaŭnym kamitecie sudovych ekśpiertyz u Minsku.
Jak paviedamiŭ Dabravolski, u paniadziełak, 25 studzienia, jon źviarnuŭsia ŭ milicyju z zajavaj i jamu abiacali vydać 26 studzienia pastanovu ab pryznačeńni sudmiedekśpiertyzy. Pry najaŭnaści takoha dakumienta ahlad pravodzicca biaspłatna. Adnak pakolki siońnia supracoŭniki milicyi z žurnalistam nie źviazalisia, jon adpraviŭsia zdymać paboi biez nakiravańnia, za svoj košt. Ahlad kaštavaŭ 200 tysiač rubloŭ i zaniaŭ kala paŭhadziny. Supracoŭniki dziaržkamiteta zafiksavali cialesnyja paškodžańni i paabiacali dać vyniki ŭ piśmovym vyhladzie praz dva-try dni, paviedamiŭ Dabravolski.
Na ahlad jon prybyŭ z dvuma žurnalistami. Supracoŭniki kamiteta sudmiedekśpiertyzy vyklikali pradstaŭnikoŭ milicyi (zhodna z praviłami jany pavinny heta rabić u vypadkach, kali da ich źviartajucca pa zdymańni źbićcia), ale ŭśled za milicyjantami ŭ budynak prybyli i supracoŭniki AMAPu. «Jany pahražali žurnalistam sudom, kazali, što tyja lezuć u nie svaju spravu», — skazaŭ Dabravolski. Adnak praź niekatory čas usie razyšlisia.
Dalejšyja dziejańni Paŭła Dabravolskaha buduć zaležać ad zaklučeńnia sudmiedekśpiertyzy. U lubym vypadku žurnalist rašuča nastrojeny abaraniać svaje pravy i patrabavać pakarańnia supracoŭnikaŭ AMAPa, jakija źbivali jaho, kab takoje «nie mahło paŭtarycca ź inšymi».
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary