Studentcy Ludvisi Atakułavaj pahražajuć vyklučeńniem ź Biełaruskaha dziaržaŭnaha ekanamičnaha ŭniversytetu. Siońnia ž z BDU vyklučyli aktyvista AHP Michaiła Paškieviča.
Za dva dni da hetaha dziaŭčyna była zatrymanaja ŭ Połacku za akcyju salidarnaści z Kasiaj Sałaŭjovaj. Noč dziaŭčyna praviała ŭ izalatary, a ŭ čaćvier jaje pakarali štrafam u pamiery 1 miljonu 225 tysiač rubloŭ.
«Siońnia, kali ja pryjšła na pieršuju paru va ŭniversytet, to mianie z starastaj hrupy adrazu vyklikali ŭ dekanat. Tam mnie adkryta skazali: «Rychtujsia, ciabie buduć vyklučać». Maŭlaŭ, rašeńnie hetaje prymałasia nie ŭnutry VNU, a niedzie vyšej. Ja napisała tłumačalnuju, čamu dva dni nie było na zaniatkach. A staraście dali zahad sabrać usie maje propuski za hety navučalny hod. Nibyta ciaham bližejšych dzion majo pytańnie pavinny vyrašyć dekan Mikałaj Kabuškin z rektaram Uładzimieram Šymavym», — kaža Ludvisia Atakułava.
Sioleta Atakułava za akcyju salidarnaści z palitviaźniami i pradprymalnikami ŭ studzieni ŭžo była aryštavanaja na 15 sutak aryštu. Tady rektar Šymaŭ abmiežavaŭsia apošnimi vymovami joj i jašče adnoj dziaŭčynie: Kasi Krasnovaj. U vypadku nastupnych aryštaŭ ci zatrymańniaŭ, dziaŭčyn abiacali adličyć z VNU.
Sprava Atakułavaj moža stać testam dla rektaru «narhasu» Ŭładzimiera Šymava. Niadaŭna jahony syn Jarasłaŭ śćviardžaŭ, što baćka nie adličyŭ z universytetu nivodnaha studenta za palityčnyja pohlady.
***
Tym časam, stała jurydyčna aformlenym vyklučeńnie z histfaku BDU studenta‑šaścikurśnika Michaiła Paškieviča.
«Ź jurystam AHP Siarhiejem Alfieram my chadzili da dekana fakultetu Siarhieja Chodzina i da prarektara BDU Ŭładzimiera Kluni. Apošni navat nie zachacieŭ nas słuchać, skazaŭšy, što paru chvilin tamu padpisaŭ zahad ab maim vyklučeńni i mianiać jaho ŭžo nie źbirajecca», — kaža M.Paškievič.
Chłopiec usio ž choča dačakacca matyvacyjnaha adkazu ab vyklučeńni, paśla čaho ŭžo źviartacca ŭ sud.
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańni syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary