Uračystaja rehistracyja šlubu ŭ Minsku padaražeje ŭ 3,7 raza

Novyja taryfy na dadatkovyja płatnyja pasłuhi, jakija akazvajucca orhanami, što rehistrujuć akty hramadzianskaha stanu Minska, zaćvierdžanyja z 15 lutaha 2016 hoda. Pra heta paviedamiła načalnik adździeła pravavoha absłuhoŭvańnia hramadzian, arhanizacyj i ideałahičnaj pracy hałoŭnaha ŭpraŭleńnia justycyi Minharvykankama Kaciaryna Kočyk.

Pavialičyć

Takoje rašeńnie utrymlivajecca ŭ pastanovie kalehii profilnaha ŭpraŭleńnia harvykankama №4.

Pa słovach načalnika adździeła zahs administracyi Pieršamajskaha rajona stalicy Julii Vinahradavaj, z 15 lutaha ŭ horadzie padaražejuć pasłuhi pa ŭračystaj rehistracyi šlubu.

Najbolšy rost adbudziecca na pasłuhu pa rehistracyi zaklučeńnia šlubu va ŭračystaj abstanoŭcy i ŭ śpiecyjalna abstalavanym pamiaškańni: amal u 3,7 razy (z 149,9 tysiač da 550 tysiač rubloŭ). U 2,6 razy bolš, abo 650 tysiač, zapłaciać maładyja za ŭračystuju abstanoŭku rehistracyi šlubu z pryciahnieńniem akampanijatara. Za vyjezd dla rehistracyi šlubu da miesca praviadzieńnia ŭračystaści treba budzie zapłacić u 2,4 razy bolš — 850 tysiač (za 1 hadzinu, biez uliku transpartu). Šlubnaja ŭračystaść pa indyvidualnym scenary z udziełam kalektyvu (u tym liku muzyčnaha) abydziecca biez małoha ŭdvaja bolš — u 1,9 młn.

«Taryfy na dadatkovyja płatnyja pasłuhi zahsaŭ nie mianialisia ŭ Minsku 3 hady. Ich pavieličeńnie vyklikana abjektyŭnymi abstavinami», — patłumačyła Julija Vinahradava.

Rehistracyja zaklučeńnia šlubu va ŭračystaj abstanoŭcy pa indyvidualnym scenary raspracoŭvajecca z ulikam pažadańniaŭ hramadzian. Razam z tym Julija Vinahradava kanstatavała, što pasłuha zahsaŭ pa raspracoŭcy indyvidualnaha scenara praktyčna nie zapatrabavanaja. U 2014 hodzie adździeł zahs administracyi Pieršamajskaha rajona pravioŭ 5 takich rehistracyj, a ŭ 2015-m — nivodnaj. «Indyvidualny scenar prapracavać składana. Taho, što my prapanujem (z akampanijataram abo bieź jaho), całkam dastatkova. Jak praviła, pary ahavorvajuć umovy ŭračystaści (naprykład, pramaŭleńnie klatvy ŭ prysutnaści haściej), a my afarmlajem pažadańni ŭ scenarny płan», — skazała surazmoŭca.

Pastanovaj kalehii hałoŭnaha ŭpraŭleńnia justycyi Minharvykankama z 15 lutaha zaćvierdžanyja praviły praviadzieńnia administracyjnaj pracedury «Rehistracyja zaklučeńnia šlubu», a taksama normy času. Raniej jany nie byli rehłamientavanyja. Tak, na rehistracyju šlubu ŭ letni pieryjad advodzicca 20 chvilin, u zimova-asieńni — bolš času.

• 0
• 0
• 0
• 0
• 0
• 0
• 0
• 0