Indeks cen na tavary i pasłuhi ŭ studzieni 2016 hoda ŭ paraŭnańni sa śniežniem 2015-ha vyras na 1,9%, paviedamiŭ Nacyjanalny statystyčny kamitet.
Bazavy indeks spažyvieckich cen, jaki vyklučaje źmianieńnie cen na asobnyja tavary i pasłuhi, što schilnyja da ŭpłyvu faktaraŭ administracyjnaha i siezonnaha charaktaru, u studzieni 2016 u paraŭnańni sa śniežniem 2015-ha vyras na 1,5%.
U studzieni hetaha hoda ŭ paraŭnańni sa śniežniem minułaha ceny na charčovyja tavary vyraśli ŭ siarednim na 1,5%, niecharčovyja tavary — na 1,2%, pasłuhi — na 4%.
Nahadajem, prahnoz inflacyi na 2016 hod składaje nie bolš za 12%. Na dumku ministra ekanomiki Uładzimira Zinoŭskaha, jakuju jon vykazaŭ 14 studzienia ŭ intervju telekanału «Biełaruś 1», inflacyja ŭ 2016 hodzie budzie dvuchznačnaj, jana «nie budzie bolšaj za 17-18%». «Dumaju, pry lubym raskładzie takaja inflacyja nie budzie. Urad pracuje razam z Nacyjanalnym bankam, kab tak i było», — adznačyŭ Zinoŭski.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary