U dačynieńni da słužbovych asob pradpryjemstvaŭ žyllova-kamunalnaj haspadarki Biełarusi raspačata ŭžo 17 kryminalnych spraŭ u suviazi ź nieabhruntavanymi naličeńniami ŭ śfiery ŽKH. Takaja infarmacyja prahučała ŭ prahramie «Naviny» telekanała ANT dniom 28 lutaha.
Jak paviedamiŭ u intervju prahramie namieśnik načalnika adździeła departamienta finansavych rasśledavańniaŭ KDK Juryj Kardymon, u pryvatnaści, upraŭleńniem DFR pa Bresckaj vobłaści raspačataja kryminalnaja sprava ŭ dačynieńni da kiraŭnika adnaho z pradpryjemstvaŭ, jakoje ŭvachodzić u sistemu ŽKH. Z 1 studzienia 2016 hoda płata za sanitarnaje ŭtrymańnie i aśviatleńnie dapamožnych pamiaškańniaŭ była vyviedzienaja z taryfu «techničnaje absłuhoŭvańnie» i zamacoŭvałasia ŭ jakaści samastojnaj pasłuhi. Tym nie mienš, pradpryjemstvy vystaŭlali i pradjaŭlali da apłaty jaje hramadzianam jak u jakaści samastojnaha vidu pasłuh, tak i ŭ składzie pasłuhi «techničnaje absłuhoŭvańnie». Hetyja dziejańni nanieśli škodu hramadzianam na sumu bolš za 900 młn.
Nahadajem, 22 lutaha tema taryfaŭ na žyllova-kamunalnyja pasłuhi siarod inšaha była padniataja na naradzie ŭ kiraŭnika dziaržavy. Łukašenka aburyŭsia novymi rascenkami na pasłuhi ŽKH i rasparadziŭsia «nadzieć kajdanki» na tych, chto nie vykanaŭ daviedzienyja pa jaho rasparadžeńni zadańni pa taryfach.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary