Prakuratura Brazilii pradjaviła abvinavačvańnie byłomu prezidentu krainy Łuisu Inasiu Łuła da Siłva.
Jak śćviardžajuć prakurory, Łuła i jaho žonka nie zadekłaravali raskošny pientchaus na kurorcie Huarucha.
Na dumku prakuratury, aficyjna pientchaus znachodzicca na bałansie budaŭničaj firmy OAS, jakaja była zamiašanaja ŭ bujnym karupcyjnym skandale ź dziaržkampanijaj Petrobras.
Rasśledavańnie pa spravie Petrobras, viadomaje jak «Apieracyja Aŭtamyjka», užo pryviało da kryminalnych spraŭ suprać dziasiatkaŭ bujnych biźniesmienaŭ i funkcyjanieraŭ Rabočaj partyi pa abvinavačvańniach u datyčnaści da karupcyjnaj schiemie na miljardy dalaraŭ.
Rabočaja partyja znachodzicca va ŭładzie ŭ Brazilii z 2003 hoda - spačatku ŭ asobie Łuły, a paśla - jaho pierajemnicy Dyłmy Rusief.
U ramkach čarhovych śledčych dziejańniaŭ pa hetaj spravie palicyja zrabiła 33 pieratrusy i 11 zatrymańniaŭ u štatach Rya-de-Žaniejra, San-Paŭłu i Baija.
Śledčyja miarkujuć, što 70-hadovy Łuła atrymaŭ kala 30 młn reałaŭ (8 młn dalaraŭ) u jakaści apłaty za svaje vystupy, a taksama achviaravańniaŭ u jaho dabračynny fond Instytut Łuły.
Kamientary