«Pahladzicie, jak u nas»: čytač dasłaŭ videa pra darohu ŭ Viciebskaj vobłaści, dzie nie pajedzieš chutčej za 10 km/h
«Vyrašyŭ źviarnucca da vas, bo bolej nichto nie moža dapamahčy z hetaj prablemaj, — dasłaŭ list u redakcyju Siarhiej K. — Žyvu ja ŭ Hłybockim rajonie Viciebskaj vobłaści. U nas tut šmat architekturnych słavutaściaŭ, malaŭničych azioraŭ i h.d. Uvohule, jość čym hanarycca! Ale, na žal, u hetyja miescy vielmi składana dabracca, bo stan daroh tut nijaki. Takoje pačućcio, što pra nas prosta zabylisia! Choć my spraŭna prachodzim techahlad i płacim darožny padatak».
«Na videa ja źniaŭ ŭčastak darohi, jakaja znachodzicca niedzie ŭ kiłamietry ad Hłybokaha. Tam nie toje, što na mašynie prajechać niemahčyma, — pieššu nie prajści! A ŭviečary jašče i nie harać lichtary, vy ŭjaŭlajecie jak ludziam dajści da chaty!?»
Na videa vidać, što ŭsia daroha, pa jakoj jedzie mašyna, u vybainach z vadoj. Apieratar kaža, što praz chistańnie mašyny jamu ciažka ŭtrymać u rukach telefon.
Taksama mužčyna padkreślivaje, što nočču ŭzdoŭž darohi nie harać lichtary, tamu prajechać u ciomny čas jašče ciažej.
«Takaja situacyja nie tolki ŭ hetaj vioscy (Staryja Šunieŭcy), a va ŭsich vakolnych vioskach. Pa niekatorych darohach tolki na traktarach jeździć, a niedzie i nie padjedzieš da chaty, bo jamy hłybiej za paŭmietra i ŭvieś čas zalityja vadoj. Ale što kazać pra darohi na vioskach, kali ŭ horadzie na niekatorych vulicach praktyčna takaja situacyja. Źviartajusia da vas ad žycharoŭ horada i rajona, ahučcie, kali łaska, našu prablemu, moža paśla hetaha ŭłady ŭspomniać pra narod», — padsumoŭvaje Siarhiej K.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary