Biełaruś 19 sakavika dałučycca da maštabnaj mižnarodnaj ekałahičnaj akcyi «Hadzina Ziamli», paviedamili ŭ pres-słužbie tavarystva ekałahičnych arhanizacyj «Zialonaja sietka».
Sutnaść akcyi ŭ tym, kab 19 sakavika na adnu hadzinu z 20.30 da 21.30 adklučyć śviatło i niepatrebnyja elektraprybory doma abo ŭ ofisie i pastaracca zrabić bieražlivaje staŭleńnie da pryrodnych resursaŭ pastajannaj pryvyčkaj.
U hetym hodzie «Hadzina Ziamli» projdzie ŭ Minsku, Viciebsku, Hrodnie, Homieli, Breście, Baranavičach, Pinsku, Brasłavie, Čavusach, dzie na adnu hadzinu pahaśnie padśvietka administracyjnych budynkaŭ, handlovych centraŭ, kafiejniaŭ, a taksama projduć kancerty, lekcyi, viełaprabieh, vystupiać teatry cieniaŭ.
U Minsku na adnu hadzinu pahaśnie padśvietka praśpiektaŭ Niezaležnaści i Pieramožcaŭ, ahni Nacyjanalnaj biblijateki, padśvietka na budynkach handlovych centraŭ, univiersitetaŭ i kafe Minska.
«U 2016 hodzie śviet ustupaje ŭ novuju eru klimatyčnaha dziejańnia, i ŭ hetym ža hodzie «Hadzina Ziamli» adznačyć svoj dziasiaty jubilej. U Biełarusi akcyja prachodzić pakul tolki vośmy raz, ale z kožnym hodam stanovicca ŭsio bolš maštabnaj. U hetym hodzie da «Hadziny Ziamli» dałučajucca novyja rehijanalnyja harady», — adznačyli ŭ «Zialonaj sietcy».
Meta akcyi — pryciahnuć uvahu da prablemy źmianieńnia klimatu i pakazać, jak važny ŭkład kožnaha ŭ spravie zachavańnia resursaŭ płaniety. Inicyjatar «Hadziny Ziamli» ŭ Biełarusi - tavarystva ekałahičnych arhanizacyj «Zialonaja sietka» pry padtrymcy departamienta pa enierhaefiektyŭnaści Dziaržstandartu i Ministerstva pryrodnych resursaŭ i achovy navakolnaha asiarodździa.
U 2015 hodzie ŭ Biełarusi za čas akcyi było sekanomlena 100 tys. kVt/hadz, što adpaviadaje ŭzroŭniu elektraspažyvańnia Minskaha traktarnaha zavoda ŭ hadziny maksimumu biełaruskaj enierhasistemy.
Mižnarodnaja akcyja «Hadzina Ziamli» prachodzić pa ŭsim śviecie bolš jak u 7 tys. haradoŭ.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary