Łukašenka ŭznaharodziŭ ordenam Pašany Buzoŭskaha, Jančeŭskaha, Ordu i prysvoiŭ hanarovaje zvańnie Łazaviku
Alaksandr Łukašenka ŭdastoiŭ vysokich dziaržaŭnych uznaharod rabotnikaŭ dziaržaŭnych orhanaŭ, pradstaŭnikoŭ hramadskich abjadnańniaŭ «za vysoki prafiesijanalizm, uzornaje vykanańnie słužbovych abaviazkaŭ, aktyŭny ŭdzieł u hramadskim žyćci». Adpaviedny ŭkaz kiraŭnik dziaržavy padpisaŭ 10 sakavika, paviedamiła pres-słužba prezidenta.
Tak, ordenam Ajčyny III stupieni ŭznaharodžany pamočnik kiraŭnika spraŭ prezidenta Uładzimir Skułaviec.
Siarod udastojenych ordena Pašany namieśnik kiraŭnika Administracyi prezidenta Ihar Buzoŭski, pamočnik prezidenta Usievaład Jančeŭski, člen Biełaruskaha hramadskaha abjadnańnia «Vieterany fizičnaj kultury i sportu» Uładzimir Alaškievič, staršynia Fiederacyi prafsajuzaŭ Biełarusi Michaił Orda.
Miedalom «Za pracoŭnyja zasłuhi» adznačany, u pryvatnaści, namieśnik staršyni Vałožynskaha rajvykankama Piotr Bibik, načalnik Bresckaha abłasnoha ŭpraŭleńnia Fondu sacyjalnaj abarony nasielnictva Ministerstva pracy i sacyjalnaj abarony Alaksandr Kalada, dyrektar filijała Biełaruskaha respublikanskaha ŭnitarnaha strachavoha pradpryjemstva «Biełdziaržstrach» pa Homielskaj vobłaści Mikałaj Stoš.
Akramia taho, kiraŭnik dziaržavy prysvoiŭ hanarovaje zvańnie «Zasłužany juryst Respubliki Biełaruś» sakrataru Centralnaj kamisii pa vybarach i praviadzieńni respublikanskich refierendumaŭ Mikałaja Łazavika.
Kamientary