U niadzielu ŭ Biełarusi pachaładaje. Ciapło vierniecca tolki da siaredziny nastupnaha tydnia
Nie paśpieli biełarusy paciešycca prychodu viasny, jak u niadzielu znoŭ pachaładaje. Paŭnočnyja viatry pryniasuć nievialikaje i niepraciahłaje panižeńnie tempieratury. Sinoptyki abiacajuć, što ŭžo ŭ sieradu z Zachodniaj Jeŭropy pačnie pastupać bolš ciopłaje pavietra i ŭstalujecca kamfortnaje nadvorje. Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 12 sakavika, nočču pa paŭnočna-zachodniaj pałovie krainy, ranicaj i dniom na bolšaj častcy terytoryi karotkačasovyja apadki, u asnoŭnym doždž, u paŭnočnych rajonach respubliki mahčymy mokry śnieh. Nočču i ranicaj u asobnych rajonach słaby tuman. Tempieratura pavietra na praciahu sutak 0 — + 6°S, dniom u paŭdniovych rajonach +7 + 9°S.
U Minsku ŭ subotu budzie vobłačna z prajaśnieńniami. Nočču bieź istotnych apadkaŭ, ranicaj i dniom karotkačasovy doždž. Nočču i ranicaj słaby tuman. Viecier pieramiennych napramkaŭ nočču słaby, dniom 4—9 m/s. Tempieratura nočču +2 + 4°S, dniom +4 + 6°S.
U niadzielu, 13 sakavika, miescami karotkačasovyja daždžy, mokry śnieh, tuman, słaby hałalod. Nočču i ranicaj na asobnych učastkach daroh hałalodzica. Tempieratura nočču -4 — + 2°S, dniom 0 — + 5 ° S.
U Minsku ŭ niadzielu ŭnačy čakajecca mokry śnieh i doždž, dniom bieź istotnych apadkaŭ. Tempieratura nočču 0 —2°S, dniom +1 + 3°S.
U paniadziełak, 14 sakavika, u asobnych rajonach krainy prahnazujuć nievialiki śnieh, mokry śnieh, tuman, słaby hałalod. Nočču i ranicaj na asobnych učastkach daroh hałalodzica. Tempieratura nočču 0 — -5°S, dniom 0 — + 5°S.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary