Žyroŭki musiać pryjści da 15 sakavika, ale taryfy dahetul nie viadomyja
Da krajniaha terminu na atrymańnie žyrovak nasielnictvam zastałosia dva dni, ale pa jakich taryfach apłata budzie paličanaja, dahetul nieviadoma.
«Pakul ničoha nie viadoma, my čakajem, budziem staracca paśpieć u termin,— kaža namieśnik hienieralnaha dyrektara pa ekanamičnych pytańniach HA «Minskaja haradskaja žyllovaja haspadarka» Julija Sahajdak. — Na sajcie komplat.by žyroŭka padličanaja, ale heta, viedajecie, papiaredni varyjant. Pieryjad pakul nie zakryty, kančatkovyja dadzienyja nie ŭniesienyja, tamu ličycie, što pakul ničoha jašče nie padličana. To bok heta padrychtoŭčaja praca. Dadzienyja ŭnosiacca, ale my ich nie budziem razdrukoŭvać, pakul nie budzie pryniataje choć niejkaje rašeńnie».
Pavodle pastanaŭleńnia Savieta Ministraŭ RB № 571, dakumient na apłatu kamunalnych pasłuh musić traplać u ruki nasielnictva nie paźniej za 15-je čysło kožnaha miesiaca. Kali nie ŭličvać vychadnyja i dadać čas na pieralik kamunałki pa novych taryfach dy niepasredna raspaŭsiudžvańnie žyrovak pa kvaterach, to taryfy musili źjavicca jašče ŭčora.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha2
Kamientary