Adzin z upłyvovych niekali biznesoŭcaŭ krainy, jaki ŭvachodziŭ u najbližejšaje koła prezidenta, Juryj Čyž zatrymany supracoŭnikami pravaachoŭnych orhanaŭ. Dadzienuju infarmacyju paviedamili karystalniki partała TUT.BY i paćvierdzili niekalki infarmavanych krynic.
«U «Trajple» byli kłasičnyja «maski-šou». KDB zatrymaŭ kiraŭnikoŭ kampanii», — napisali karystalniki.
«Vy razumiejecie, što biez sankcyi kiraŭnika dziaržavy ničoha nie adbyłosia. Ale jon [Juryj Čyž] užo niekalki miesiacaŭ byŭ u niałascy. Tamu nielha skazać, što zatrymali člena kamandy prezidenta», — kaža surazmoŭca.
«Jaho ŭpłyŭ, moža być, asłabieŭ, ale nie nastolki, kab nie zmahacca za svoj biznes, jakomu ŭžo bolš za 20 hadoŭ. Nie apiaredžvajcie padziei. Usio budzie narmalna», — paryruje čałaviek z atačeńnia Čyža.
Niepryjemnaści stali pieraśledavać Juryja Čyža nieŭzabavie paśla zatrymańnia jaho partniora Uładzimira Japryncava. Pamiž imi adbyŭsia kanflikt. I mierkavańnie dziełavych kołaŭ padzialiłasia z nahody ŭdziełu ŭ hetym asnoŭnaha ŭładalnika «Trajpła». Adny ličyli, što Čyž pavinien byŭ padstavić plačo svajmu paplečniku, inšyja ličyli, što pravilna zrabiŭ, što zdaŭ Japryncava.
«Na hrošy trapiŭ syn Japryncava. Vałodzia, jak baćka, chacieŭ vyratavać situacyju. Ale ŭ vyniku sam trapiŭ za kraty pa navodcy Jury», — kaža krynica. «A pry čym tut siabroŭstva? Jak havorycca, ničoha asabistaha — tolki biznes. Japryncavy nabiedakuryli — heta ich spravy», — apaniruje čałaviek z atačeńnia Čyža.
Krynicy śćviardžajuć, što abodva karystalisia zastupnictvam na samym viersie i pad hetaj markaj viali biznes. «Asnoŭnyja padazreńni — ašukanskija schiemy, vyvad kapitału za miažu. Pasivy i aktyvy ŭžo daŭno ŭ biznesoŭca nie skačuć», — kaža surazmoŭca.
U «Trajple» admovilisia ad kamientaroŭ.
Juryj Čyž nie zdymaje trubku.
U KDB atrymać kamientar nie ŭdałosia.
* * *
Čytajcie taksama:
Piać faktaŭ pra aryštavanaha miljaniera Juryja Čyža
«Na dziaržavu pracavać nie budu!». Jak Juryj Čyž, jakoha siońnia zatrymała KDB, staŭ miljanieram
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma8
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary