Skončyŭsia pieršy dzień sudovaha pracesu. Praciah, zaŭtra a 12-j.
17:15 Dapytali dvuch śviedkaŭ z boku paciarpiełaha: milicyjanta Jakimčuka i miedrabotnika specpryjomnika Sałaŭjovu.
Praciah sudu zaŭtra. Pačatak a 12-j. Praces idzie ŭ sudzie Maskoŭskaha rajonu stalicy (praspekt hazety "Pravda", 27, za HC "Kirmaš").
16:25 Zaraz idzie dopyt śviedkaŭ z boku paciarpiełaha. Usiaho pavinny apytać šeść čałaviek.
***
Ab 12-j hadzinie pačaŭsia praces nad Siarhiejem Parsiukievičam. Advakatkaj Vieraj Stramkoŭskaj było zajaŭlena chadajnictva ab dopycie na pracesie śviedkaŭ z boku abvinavačanaha: Vinahradava, Važakova i Akopava. Vinahradaŭ i Važakoŭ niepasredna siadzieli z Parsiukievičam u adnoj kamery, Akopaŭ siadzieŭ u susiedniaj kamery, adkul čuŭ, jak adbyvałasia źbićcio. Siońnia budzie vystupać u jakaści śviedki sp. Taŭstyka, jaki taksama znachodziŭsia ŭ toj čas na Akreścina.
Choć prakuror i paciarpieły byli suprać pryciahnieńnia dadatkovych śviedak, sudździa vyrašyŭ zadavolić hetaje chadajnictva.
Čakajecca taksama vystup dvuch śviedak ad abvinačańnia.
Spadarynia Stramkoŭskaja zajaviła taksama chadajnictva ab źmianieńni miery strymańnia na vyzvaleńnie pad zakład. Paśla 20-chvilinnaha pierapynku ŭ pracesie sudździa adchiliŭ hetaje chadajnictva.
***
Pa 13-j hadzinie daŭ pakazańni paciarpieły Dułub.
Jon apavioŭ, što 21 studzienia jaho vyklikali, bo z vakna 15‑j kamery vyviesili zroblenyz papiery bieł‑čyrvona‑bieły ściah.
Dułub pajšoŭ raźbiracca ŭ kameru. Pry jahonym uvachodzie ŭsie padnialisia, akramia Parsiukieviča. Toj skazaŭ, što nia musić padymacca. Tady Dułub pichnuŭ jaho nahoj. Zatym jany vyjšli ŭ pakoj dla razmoŭ, kab, pa słovach Dułuba, aznajomić Parsiukieviča z praviłami ŭtrymańnia ŭ specpryjomniku. Ale Parsiukievič skazaŭ: "Ty, sałaha, a ja były aficer" [Parsiukievič -- były aficer milicyi].
Potym Parsiukievič nanios siem udaraŭ u tvar Dułuba. Toj zakryŭsia rukami i paklikaŭ milicyjanta Jakimčuka. I jany razam, sa słovaŭ Dułuba, ścišyli Parsiukieviča i nadzieli kajdanki. Parsiukievič pačaŭ kryčać, što jaho dušać i prasiŭ dapamohi, sprabavaŭ vyskačyć u kalidor. Jaho viarnuli ŭ pakoj, dali padychać ź inhalataru preparat ad astmy.
Kamientary