Za špijonskuju dziejnaść suprać Polščy ŭ ramkach biełaruskaj raźviedki biełarus Juryj K. prysudžany da 4 hadoŭ turmy. Prysud jašče nie ŭstupiŭ u zakonnuju siłu.
23 sakavika Akruhovy sud u Varšavie pastanaviŭ, što 35-hadovy hramadzianin Biełarusi Juryj K. vinavaty ŭ tym, što z 2009 hoda da momantu aryštu ŭ 2014 h. pravodziŭ «niepasrednuju raźviedku» ŭ rajonach važnych polskich vajskovych abjektaŭ, u tym liku avijabaz u miascovaściach Pavidź, Kšesiny, Śvidvin i Śvinauści.
Zhodna z sudom, dziejnaść K. była ŭ tym, što jon źviazvaŭsia pa mabilnym telefonie ź biełaruskim aficeram, jakomu pieradavaŭ infarmacyju i ad jakoha prymaŭ rasparadžeńni.
Juryju K., jaki znachodzicca pad vartaj, pahražała 10 hadoŭ turmy. Vusnaje abhruntavańnie prysudu zastałosia tajnym. Abarona K. śćviardžaje, što jon nievinavaty i anansuje apielacyju.
Sudovaje raźbiralnictva było častkova adkrytym, što źjaŭlajecca redkaściu vypadku spraŭ ab špijanažy. Častka dakumientaŭ śledstva zasakrečanaja. Akramia taho, pakazańni padčas pracesu davaŭ ananimny śviedka.
Zhodna z pakazańniami śviedak, Juryj K. paprasiŭ znajomaha palaka zrabić fota vajskovaj bazy ŭ Bydhaščy, jakoje było jamu treba «dla artykuła ŭ biełaruskaj haziecie». Potym jon zajaviŭ, što niezadavoleny zdymkami, bo mieŭ na ŭvazie «inšaje padraździaleńnie».
Pa śviedčańniach polskich śviedak, K. krytyčna vykazvaŭsia pra biełaruskija ŭłady, jaho staŭleńnie da Polščy było stanoŭčym, jon nie raspytvaŭ pra vajskovyja spravy. Pry hetym adna sa śviedak zajaviła, što ŭ 2011 hodzie sustrakałasia z K. ŭ Poznani i padvoziła jaho da rajona, jakaja raźmiaščajecca pobač z avijabazaj u Kšesinach, dzie znachodziacca polskija samaloty F-16. «Kazaŭ, što jamu treba niešta ŭładzić ź siabram, — pakazała śviedka.
«Heta była mistyfikacyja i niapravilnaja interpretacyja majoj prafiesijnaj dziejnaści. Maja maci pamierła, nie pieražyŭšy majho aryštu. Z-za abvinavačvańniaŭ ja straciŭ pracu, maja hazieta ad mianie adrakłasia», — zajaŭlaŭ na sudzie abvinavačvany
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary