Pačali dziejničać novyja limity dla biaspošlinnaha ŭvozu mižnarodnych pasyłak

Ukaz źnižaje normu biaspošlinnaha ŭvozu tavaraŭ dla asabistaha karystańnia, jakija pierasyłajucca ŭ mižnarodnych paštovych adpraŭleńniach i (abo) ekspres-hruzach na adras adnaho atrymalnika, z 200 jeŭra i 31 kh da 22 jeŭra i 10 kh na praciahu kalandarnaha miesiaca.

Zhodna sa źviestkami Dziaržaŭnaha mytnaha kamiteta (DMK), kolkaść mižnarodnych paštovych adpraŭleńniaŭ (MPA), uviezienych u Biełaruś u 2013—2015 hadach, pavialičyłasia bolš jak u šeść razoŭ: u 2013-m — 1,9 młn., u 2014-m — 6,3 młn., u 2015-m — 11,8 młn. štuk.

Mytniki ŭdakładniajuć: u toj čas jak amal 90% žycharoŭ Biełarusi naohuł nie atrymlivajuć MPA, bolš za 250 tysiač hramadzian atrymlivajuć ich ad 10 da 100 i bolš na hod. U siarednim na adnaho atrymalnika prypadaje pryblizna 10 MPA, na adzin adras pastupaje prykładna 15 adpraŭleńniaŭ.

Ź siońniašniaha dnia pry atrymańni tavaraŭ koštam zvyš 22 jeŭra i (abo) masaj bolšaj za 10 kh buduć naličanyja mytnyja płaciažy pa raniej dziejnaj staŭcy — 30% ad koštu, ale nie mienš jak 4 jeŭra za 1 kh. Naprykład, pry atrymańni pasyłki koštam 50 jeŭra i masaj 2 kh mytnyja pošliny, padatki składuć: (50 - 22) ch 30% = 8,4 jeŭra. Plus 5 jeŭra mytnaha zboru.

Čytajcie taksama:

Jak i kamu pryjdziecca płacić pošlinu na zamiežnyja pasyłki?

Jak śćviardžajuć u DMK, vyznačanaja ŭkazam vieličynia biaspošlinnaha ŭvozu anałahičnaja normie, jakaja prymianiajecca ŭ šerahu krain ES. «Tak, naprykład, u Bielhii, Čechii, Italii, Finlandyi, Słavakii, Hiermanii i inšych krainach norma biaspošlinnaha ŭvozu tavaraŭ u MPA składaje 22 jeŭra. U Šviecyi i Francyi ŭsie MPA niezaležna ad koštu abkładajucca PDK», — adznačaje DMK.

Ukaz nie vyklučaje mahčymaść biaspošlinnaha atrymańnia hrošaj u listach z abvieščanaj kaštoŭnaściu ŭ ekvivalencie da 200 dołaraŭ.

Tavary, nabytyja ŭ mahazinach biaspošlinnaha handlu, buduć ŭličvacca pry raźliku limitaŭ ŭvozu tavaraŭ dla asabistaha karystańnia cieraz aŭtamabilnyja i čyhunačnyja punkty propusku.

Zhodna z ukazam u vypadku ŭvozu tavaraŭ u Biełaruś čaściej za adzin raz na try miesiacy tavary koštam zvyš 300 jeŭra i (abo) vahoj bolšaj za 20 kh nie buduć adnosicca da tavaraŭ dla asabistaha karystańnia. Pry hetym normy biaspošlinnaha ŭvozu tavaraŭ, roŭnyja 1.500 jeŭra i 50 kh, praciahvajuć dziejničać.

Ukaz byŭ padpisany 11 lutaha. Uzmacnieńnie žorstkaści normaŭ ŭłady rastłumačyli rostam ŭvozu tavaraŭ u kamiercyjnych maštabach na adras fizičnych asob biez vypłaty mytnych płaciažoŭ. Pavodle vynikaŭ abśledavańnia aŭtadarožnych punktaŭ propusku na miažy Biełarusi, praviedzienaha Biełstatam i DMK ŭ 2015 hodzie, bolš za 70% hramadzian, što ŭjazdžali ŭ Biełaruś, ukazali sumu raschodaŭ pry pajezdcy za miažu da 300 jeŭra.

• 0
• 0
• 0
• 0
• 0
• 0
• 0
• 0